Շառլ-Ֆրանսուա Դոբինյի

Շառլ-Ֆրանսուա Դոբինյի; ֆր.՝ Charles-François Daubigny
Ծնվել է	փետրվարի 15, 1817[…]
Ծննդավայր	Փարիզ, Ֆրանսիա
Վախճանվել է	փետրվարի 19, 1878[…] (61 տարեկան)
Մահվան վայր	Փարիզ, Ֆրանսիա
Քաղաքացիություն	Ֆրանսիա
Մասնագիտություն	նկարիչ, նկարիչ-փորագրող և բնանկարիչ
Ոճ	Բարբիզոնի դպրոց
Ժանր	բնանկար
Թեմաներ	գեղանկարչություն և Կերպարվեստ
Ուշագրավ աշխատանքներ	Landscape?
Ուսուցիչ	Էդմի-Ֆրանսուա Դոբինյի, Պիեռ Դոբինյի, Ժան-Վիկտոր Բերտան և Ժակ Ռայմոն Բրասկասա
Աշակերտներ	Կառլ Դոբինյի, Albert Charpin? և Էդուարդ Ռու
Ներշնչվել է	Գյուստավ Կուրբե
Պարգևներ	և
Անդամակցություն	Բարբիզոնի դպրոց
Հայր	Էդմի-Ֆրանսուա Դոբինյի
Զավակներ	Կառլ Դոբինյի
Ազգականներ	Պիեռ Դոբինյի
	Charles-François Daubigny Վիքիպահեստում

Շառլ-Ֆրանսուա Դոբինյի (ֆր.՝ Charles-François Daubigny, փետրվարի 15, 1817(1817-02-15)^[1]^[2]^[3]^[…], Փարիզ, Ֆրանսիա^[4] - փետրվարի 19, 1878(1878-02-19)^[5]^[6]^[1]^[…], Փարիզ, Ֆրանսիա^[5]), ֆրանսիացի նկարիչ, բարբիզոնյան դպրոցի ներկայացուցիչ։

Կյանքն ու ստեղծագործությունը

Դոբինյին սովորել է նախ հոր մոտ, ով մանրանկարիչ էր, ապա` ֆրանսիացի գեղանկարիչ, ակադեմիզմի ներկայացուցիչ Պոլ Դելարոշի մոտ։ Արդեն 1838 թվականից նա դասական ոճով արված իր բնանկարներով մասնակցել է ցուցահանդեսների, սակայն ճանաչում է ստացել միայն 1850-ական թվականների սկզբին։

Դոբինյին ձգտում էր բնանկարն ազատել բանաստեղծական, սուբյեկտիվ բնույթից, ինչով իր կարծիքով աչքի էին ընկնում ռոմանտիկ նկարիչներ Նարսիս Վիրժիլ Դիասի, Ժյուլ Դյուպրեի և Թեոդոր Ռուսոյի գործերը, և պատկերել բնությունն անմիջականորեն, առանց ավելորդ ներշնչվածության։ Նրա կարծիքով նկարչի սեփական ընկալումը չպիտի արտացոլվի բնության մեջ։ Չնայած դրան` Դոբինյին սերտորեն կապված էր բարբիզոնյան դպրոցի իր գործընկերների հետ։

Հասարակությունն ու քննադատությունը Դոբինյիի` ջրաներկով արված էսքիզներն անվանեցին «հիասքանչ, գրավիչ և բանաստեղծական»։ Չնայած Դոբինյին դրան չէր էլ ձգտում, սակայն այդ էսքիզների հիման վրա ստեղծված բնանկարները նույնպես «բանաստեղծական» համարվեցին։ Դոբինյին չէր փորձում դրանց բանաստեղծական շունչ հաղորդել, և որպեսզի ազատվի միտումնավոր բանաստեղծականացման կասկածներից, նա սկսեց ընտրել ամենաանհրապույր թեմաները` ձգտելով բացարձակ ճշմարտացիության։

Ակնհայտ է, որ Դոբինյին իր արվեստում ձգտում է արտահայտել պլեների ինքնաբերականությունն ու անմիջականությունը։ Դրա համար նկարիչն իր ժամանակին արժանացել է ինչպես ջերմ համակրանքի, այնպես էլ խիստ քննադատության։ Բայց նա հավատարիմ է մնացել իր վրձնին` մեծ ազդեցություն թողնելով 19-րդ դարի 60-ական թվականների իմպրեսիոնիստների վրա։ Դոբինյիի էսքիզները մեծ արձագանք են գտել երիտասարդ նկարիչների շրջանում։ Առանձնանում է, օրինակ, իմպրեսիոնիզմի հիմնադիրներից մեկի` Կլոդ Մոնեի տեսակետը 1859 թվականի Սալոնի ցուցահանդեսից հետո. «Կեցցե' Դոբինյին. աշխատում է լավ, լավ է հասկանում բնությունը»։ Իմիջիայլոց, հետագայում Մոնեն նույնպես պատրաստեց նավակ-վարպետանոց, ինչպիսին ունեցել է Դոբինյին։

Դոբինյիի արվեստին բնորոշ են այնպիսի գծեր, որոնք հարազատ էին երիտասարդ սերնդին։ Այսպես, իմրեսիոնիստների նման նա էլ ուշադրություն չի դարձրել ուղիղ գծերին, դետալների ճշգրտությանը` նախընտրելով գեղանկարչության լայն թափը։ Նա արտահայտչականության է հասնում ոչ թե մանրամասնությունների պատկերմամբ, ինչպես Ռուսոն, այլ գույնով։ Պատահական չէ, որ հենց Դոբինյին է օգնել երիտասարդներին, այդ թվում` Կլոդ Մոնեին, Օգյուստ Ռենուարին, որ իրենց աշխատանքները ներկայացնեն 1868 թվականի Սալոնում։

Դոբինյին թաղված է Պեր Լաշեզ գերեզմանատանը։

Պատկերասրահ

Բերքահավաք, 1851
Գյուլոյի լճակները, 1853
Լե Սաբլ դ'Օլոն
Նավակներ Էթափլ ծովափին, 1871
Ֆերմա Քերիթիում

Գրականություն

Madeleine Fidell-Beaufort et Janine Bailly-Herzberg. La Vie et l'œuvre de Daubigny, éd. Geoffroy-Dechaume, Paris, 1975.
Robert Hellebranth. Charles-François Daubigny, 1817—1878, éd. Matute, Morges, 1976.
Étienne Moreau-Nélaton. Daubigny raconté par lui-même, éd. Laurens Henri, Paris, 1925.

Ծանոթագրություններ

↑ ^1,0 ^1,1 ^1,2 ^1,3 ^1,4 Charles-François Daubigny (նիդերլ.)
↑ ^2,0 ^2,1 Encyclopædia Britannica
↑ ^3,0 ^3,1 Discogs — 2000.
↑ ^4,0 ^4,1 ^4,2 ^4,3 ^4,4 Base Léonore (ֆր.) — ministère de la Culture.
↑ ^5,0 ^5,1 ^5,2 ^5,3 ^5,4 ^5,5 Lavigne H. état civil d'artistes français (ֆր.) — Paris: 1881. — P. 152.
↑ ^6,0 ^6,1 ^6,2 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ Չեխիայի ազգային գրադարանի կատալոգ
↑ Union List of Artist Names — 2021.

Արտաքին հղումներ

Շառլ-Ֆրանսուա Դոբինյիի պատկերասրահ

Վիքիպահեստն ունի նյութեր, որոնք վերաբերում են «Շառլ-Ֆրանսուա Դոբինյի» հոդվածին։

[_4cf8db8a7133bbb2-1] 1,0 ^1,1 ^1,2 ^1,3 ^1,4 Charles-François Daubigny (նիդերլ.)

[_e507f5531baabb86-2] 2,0 ^2,1 Encyclopædia Britannica

[_0909550ed8fbd301-3] 3,0 ^3,1 Discogs — 2000.

[_e7d470dcd969d965-4] 4,0 ^4,1 ^4,2 ^4,3 ^4,4 Base Léonore (ֆր.) — ministère de la Culture.

[_e1b68e65e73d241a-5] 5,0 ^5,1 ^5,2 ^5,3 ^5,4 ^5,5 Lavigne H. état civil d'artistes français (ֆր.) — Paris: 1881. — P. 152.

[_1190d78ea117426d-6] 6,0 ^6,1 ^6,2 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_79b24f45b5e265e4-7] Չեխիայի ազգային գրադարանի կատալոգ

[_144aae13a0b25b53-8] Union List of Artist Names — 2021.

[1]

[2]

[3]

[4]

[5]

[6]

[7]

[8]