Conscientia
| Conscientia |
|---|
| instantia de: type of property[*], psychology term[*] |
| subclasse de: mental state[*], phenomeno |
|
|
|
| Commons: Consciousness |
Le conscientia[1] es le qualitate o stato de conscientia, o, de esser consciente re un objecto externe o alcun cosa in se ipse.[2][3] Illo es definite como: sententia, cognoscentia, subjectivitate, le habilitate de experimentar o sentir, stato de conscientia, haber un senso de individualitate, e le systema de controlo executive del mente.[4] Malgrado le difficultate in le definition, multe philosophos crede que il ha un intuition basal amplemente compartite re que es le conscientia.[5]
Le philosophos del west desde le tempore de Descartes e Locke ha luctate pro comprender le natura del conscientia e pro specificar su proprietates essential. Le questiones de interesse in le philosophia del conscientia include si le concepto es fundamentalmente coherente; si le conscientia pote esser explicate mechanicamente; si il existe un conscientia non-human e si illo existerea, como illo pote esser recognoscite; como le conscientia se associa al linguage; si le conscientia pote esser comprendite per un maniera que non require un distinction dualistic inter statos o proprietates mental o physic; e si il es unquam possibile que machinas computational como le computatores o le robotes es consciente, un topico studiate in le campo del intelligentia artificial.
Il existe dubitas profunde re in que consiste exactemente le conscientia. Per exemplo, in le campo del intelligentia artificial on ha laborate amplemente super le thema de crear machinas o software assatis complexe pro generar le conscientia. On ha mesmo negate le possibilitate de que un nucleo algorithmic como le de un computator pote generar alcun genuinmente indistinguibile de un conscientia. Le test de Turing proponite in 1950 abborda iste problema. Usque le actualitate in 2015 nulle programmator ha attingite successosemente superar iste test. Le unic exception esseva un bot conversational baptisate como Eugene Goostman, qui in 2014 poteva deluder un grande parte de un jurato de humanes qui esseva usate pro iste test.
Le conscientia in psychiatria pote esser anque definite como le stato cognitive non-abstracte que permitte le interaction, interpretation e association con le stimulos externe, denominate realitate. Le conscientia require del uso del sensos como medio de connectivitate inter le stimulos externe e lor associationes. Le humanes adulte san habe conscientia sensitive e conscientia abstracte, etsi tamben le pensamento abstracte se presentarea in altere species animal, usque un puncto que ancora debe esser clarificate.
Referentias
[modificar fonte]- ↑ Derivation: Entitates: 1. (it) Coscienza || 2. (es) Conciencia (filosofía) || (pt) Consciência || 3. (fr) Conscience || 4. (en) Consciousness || Controlo: (de) Bewusstsein || (ru) Сознание || - (Extra): (la) Conscientia
- ↑ "consciousness". Merriam-Webster. Retrieved June 4, 2012.
- ↑ Robert van Gulick (2004). "Consciousness". Stanford Encyclopedia of Philosophy.
- ↑ Farthing G (1992). The Psychology of Consciousness. Prentice Hall. ISBN 978-0-13-728668-3.
- ↑ John Searle (2005). "Consciousness". In Honderich T. The Oxford companion to philosophy. Oxford University Press. ISBN 978-0-19-926479-7.