Lesotho[1] [le-sú-tu] es un regno independente sin accesso al mar e circumferite completemente per le Republica de Africa del Sud. Ex-protectorato britannic, illo es un membro del Commonwealth de Nationes. Le linguage bantu del magne majoritate es sesotho. Circa 40% del population vive a un salario in basso de $1.25 SUA pro die, un limite international de paupertate. Toto le stato es elevate al minus 1'400 metros de altitude, e il ha multe montanias. Diamantes son un importante ressource economic; son equalmente importante le agricultura e le exportation de aqua a Africa del Sud. Le loti, moneta del pais, equivale al rand sud-african, e le duo monetas circula libremente. Circa 90% del population es christian, de qual le medietate es de confession catholic roman. VIH e SIDA son gravissime problemas de sanitate in Lesotho, ubi 23% del population es infectate per le pandemia.
.svg)
.jpg)
