Mona Lisa
Li Mona Lisa (italian: Gioconda [dʒoˈkonda] o Monna Lisa [ˈmɔnna ˈliːza]; francesi: Joconde [ʒɔkɔ̃d]) es un portrete a semilongore pictet del artiste italian Leonardo da Vinci. Considerat quam un archetipic mestre-ovre del Renascentie italian, it ha esset descrit quam "li max conosset, li max visitat, li max descrit, li max cantat, [e] li max parodiat ovre artistic in li munde". Li qualitás novatori del pictura include li expression enigmatic del subjecte, li monumentalitá del composition, li subtil modelation del formes, e li illusionisme atmosferic.