Tampa, Florida
| Tampa | ||
| ||
| Kelk imaji pri Tampa. | ||
|
| |
| Standardo | Blazono | |
| Lando: |  Usa
| |
| Stato: | Florida | |
Informo:
| ||
| Latitudo: | 27°56′51″N | |
| Longitudo: | 82°27′31″W | |
| Altitudo: | 14,6 m | |
| Surfaco: | 455,4 km² | |
| Habitanti: | 398 173 (2022) | |
| Denseso di habitantaro: | 1303,6 hab./km² | |
| Horala zono: | UTC-5 (UTC-4 dum somero) | |
| Urbestro: | Jane Castor (D) | |
Mapo:
| ||
| ||
Oficala retosituo:
| ||
| https://www.tampa.gov/ | ||
Tampa esas urbo en la komtio Hillsborough, stato Florida, en Usa. Segun statistiki de la yaro 2022 ol havis 398 173 habitanti. La demografiala kontado di 2010 trovis 335 709 habitanti[1]. Lua tota surfaco esas 455,40 km², equivalanta a 175,83 mi², di qui 295,30 km² (144,02 mi²) esas lando, e 160,1 km² (61,82 mi²) esas aquo.
Jacanta an la westa rivo di Florida, proxim la gulfo di Mexikia, lua portuo esas la maxim granda del stato. Lua metropolala regiono havas plu kam 4 milion habitanti.
Geografio
[redaktar | redaktar fonto]
La reliefo di Tampa esas multe plana, jacanta inter du korpi di aquo: la bayo di Tampa e la desprofunda bayeto Hillsborough. Entote 35.3% de la surfaco dil urbo esas aquo. La mezavalora altitudo dil urbo esas 14,6 metri, e lua maxim alta punto jacas nur 15 metri metri super la marala nivelo.
La klimato di Tampa esas humida subtropikala (Cfa segun la klimatala klasifikuro da Köppen), malgre ke pro lua proximeso kun la gulfo di Mexikia, ol semblas quale tropikala klimato. La mezavalora temperaturo en januaro (vintro) esas 16,7°C, kontre ke la mezavalora temperaturo en agosto (somero) esas 28,9°C.
La mezavalora yarala pluvo-quanto dil urbo esas 1257 mm, e la maxim pluvoza monato esas agosto, kun mezavalore 229 mm. La maxim sika monato esas novembro, kande pluvas nur 36 mm. L'atmosferala humideso rare esas infre 70% dum la tota yaro. Malgre ke minacata da tropikala tempesti dum uraganala sezono (de la 1ma di junio til la 30ma di novembro), Tampa rare frapesas da violentoza tempesti od uragani. La maxim violentoza uragano qua frapis eventis en 1921.
Demografio
[redaktar | redaktar fonto]Segun la demografiala kontado di 2000, esis 303,447 homi, 124,758 hemanari, e 71,236 familii qui rezidis en la urbo. On kalkulis ke 321,487 personi vivis ibe en 2003. La denseso di habitantaro esis 1,045.4/km² (2,707.8/mi²). Esis 135,776 domi kun mezvalora denseso di 467.8/km² (1,211.6/mi²). Segun raso, esis 64.22% Blanki, 26.07% Negri od Afrikan-Usani, 0.38% indijeni Amerikana, 2.15% Aziani, 0.09% Havayiani, 4.17% de altra rasi, e 2.92% de du o plura rasi, e 19.29% de la habitantaro esis Hispan-Amerikani o Latin-Amerikani de irga raso.
Esis 124,758 hemanari, di qui 27.6% havis pueri od adolecanti evante min kam 18 yari en la domo, 36.4% esis mariajita e habitis kune; en 16.1% muliero sen spozulo esis la domo-chefo, e 42.9% esis ne-familii. En 33.7% de omna hemanari vivis unika sola individuo, e 10.2% habitesis da ulu evante 65 yari o pluse qua vivis sole. La mezvalora grandeso po hemanaro esis 2.36 personi e la mezvalora grandeso po familio esis 3.07 personi.
La procento di habitanti segun evo esis: 24.6% evante min kam 18 yari, 10.0% de 18 til 24 yari, 32.3% de 25 til 44 yari, 20.5% de 45 til 64 yari, e 12.5% evante 65 yari o pluse. La mezvalora evo esis 35 yari. Po singla 100 mulieri esis 95.3 viri. Po singla 100 mulieri evante 18 yari o pluse esis 92.1 viri.
La mezvalora revenuo po hemanaro en la urbo esis $34,415, e la mezvalora revenuo po familio esis $40,517. La mezvalora revenuo por la viri esis $31,452 kontre $26,133 por la mulieri. La revenuo per capita por la urbo esis $21,953. Vivis sub la povreso-lineo 18.1% de la habitantaro e 14.0% de la familii. Ek omna habitantaro evante min kam 18 yari, 26.8% ed ek omna habitantaro evante 65 yari o pluse, 15.1% vivis sub la povreso-lineo.
Ekonomio
[redaktar | redaktar fonto]
Kolegii ed Universitati
[redaktar | redaktar fonto]- Universitato Florida Metropolitan (FMU)
- Fakultato Hillsborough Community College
- Universitato South Florida (USF) Universitato di Sud-Florida
- Universitato di Tampa (UT)
Transporto
[redaktar | redaktar fonto]
Tampa havas aeroportuo internaciona.
Fratala urbi
[redaktar | redaktar fonto]- Agrigento,
Italia - Barranquilla,
Kolumbia - Córdoba,
Arjentinia - Granada,
Nikaragua - İzmir,
Turkia - Le Havre,
Francia - Oviedo,
Hispania - Camarines Sur,
Filipini
Referi
[redaktar | redaktar fonto]- ↑ Geographic Identifiers: 2010 Demographic Profile Data (G001): Tampa city, Florida - Publikigita da U.S. Census Bureau. Nomo di la publikigo: American Factfinder. URL vidita ye 28ma di aprilo 2017. Idiomo: Angla.