Sumarólympíuleikarnir 2016

31. sumarólympíuleikarnir
Bær:	Rio de Janeiro, Brasilíu
Þátttökulönd:	207
Þátttakendur:	11.180 (6.146 karlar, 5.034 konur)
Keppnir:	339 í 33 greinum
Hófust:	5. ágúst 2016
Lauk:	21. ágúst 2016
Settir af:	Michel Temer varaforseta
Íslenskur fánaberi:	Þormóður Árni Jónsson

Maracanã-völlur

Sumarólympíuleikarnir 2016 voru alþjóðleg íþróttahátíð sem var haldin dagana 5. til 21. ágúst 2016. Leikarnir voru haldnir í Rio de Janeiro í Brasilíu. Metfjöldi þátttökulanda og verðlauna var á leikunum. Yfir 10.500 íþróttamenn frá 206 landsólympíunefndum tóku þátt, þar á meðal voru keppendur frá Suður-Súdan og Kosóvó sem tóku þátt í fyrsta skipti. Keppt var um 306 verðlaun í 28 ólympíugreinum. Tvær nýjar ólympíugreinar voru með á leikunum: ruðningssjöa og golf, sem alþjóðaólympíunefndin samþykkti árið 2009. Keppt var á 33 leikvöngum í Ríó og fimm knattspyrnuleikvöngum að auki í borgunum São Paulo, Belo Horizonte, Salvador da Bahia, Brasília og Manaus. Þetta voru fyrstu ólympíuleikarnir eftir að Thomas Bach tók við formennsku í alþjóðaólympíunefndinni.

Kosning borgarinnar

Blað með undirskriftum til stuðnings kjörs Ríó.

Fjögur lönd voru valin fýsilegust úr hópi umsækjenda: Brasilía, Spánn, Japan og Bandaríkin. Úrslitin voru gerð kunn í Kaupmannahöfn í Danmörku þann 2. október 2009. Niðurstaðan var sú að leikarnir skyldu haldnir í Brasilíu.

Í töflunni hér að neðan má sjá úrslit kosninganna.

Sumarólympíuleikarnir 2016
Borg	Land	Umferð eitt	Umferð tvö	Umferð þrjú
Rio de Janeiro	Brasilía	26	46	66
Madrid	Spánn	28	29	32
Tókýó	Japan	22	20	—
Chicago	Bandaríkin	18	—	—

Þróun og undirbúningur

Kort sem sýnir staðsetningu leikvanga í Ríó de Janeiro.

Flestir viðburðirnir voru í hverfinu Barra da Tijuca og þar var ólympíuþorpið staðsett. Aðrir leikvangar í borginni voru við ströndina Copacabana (t.d. strandblak, siglingar og kappróður), í hverfinu Maracanã (t.d. bogfimi, maraþon og blak) og íþróttaklúbb hersins Deodoro Military Club (t.d. skotfimi, BMX- og fjallahjólreiðar). Ellefu nýir leikvangar voru opnaðir fyrir ólympíuleikana, flestir í Barra da Tijuca, auk sjö leikvanga sem teknir voru niður eftir leikana. Stærsti leikvangurinn sem hýsti opnunar- og lokahátíðir leikanna er Maracanã-völlur sem var reistur fyrir Heimsmeistaramót landsliða í knattspyrnu karla 1950.

Knattspyrnuleikvangar

Keppt var á sjö knattspyrnuleikvöngum í sex borgum Brasilíu. Fjórir af þeim voru reistir fyrir Heimsmeistaramót landsliða í knattspyrnu karla 2014.

Leikarnir

Opnunarhátíð leikanna var á Maracanã-leikvanginum að kvöldi 5. ágúst 2016.

Íþróttagreinar

Keppt var í 41 íþróttagrein í 306 mótum.

Vatnaíþróttir Dýfingar (8) Sund (34) Listsund (2) Sundknattleikur (2) Bogfimi (4) Frjálsar íþróttir (47) Badminton (5) Körfuknattleikur (2) Hnefaleikar (3) Kanóróður Svig (4) Sprettur (12)

Hjólreiðar BMX (2) Fjallahjólreiðar (2) Götuhjólreiðar (4) Brautarkeppni (10) Hestamennska Reiðfimi (2) Hestaþríþraut (2) Hindrunarhlaup (2) Skylmingar (10) Hokkí (2) Knattspyrna (2)

Golf (2) Fimleikar Listrænir (14) Dansfimleikar (2) Trampólín (2) Handknattleikur (2) Júdó (14) Nútímafimmtarþraut (2) Kappróður (14) Ruðningssjöa (2) Kappsiglingar (10) Skotfimi (15)

Borðtennis (4) Tækvondó (8) Tennis (5) Þríþraut (2) Blak Blak (2) Strandblak (2) Kraftlyftingar (15) Glíma Freestyle (12) Grísk-rómversk (6)

Nýjar greinar

Ólympíski golfvöllurinn í Barra da Tijuca.

Golf og ruðningssjöa voru tvær nýjar ólympíugreinar. Sjö sérsambönd buðu í þau tvö sæti sem voru í boði; hornabolti og mjúkbolti sem höfðu verið felldir út af dagskránni 2005, auk karate, veggtennis, golf, rúlluskautar og ruðningur. Beiðnirnar voru teknar fyrir á fundi hjá framkvæmdanefnd Alþjóða ólympíunefndarinnar árið 2009. Nýtt kerfi var tekið upp þar sem einfaldur meirihluti nefndarinnar nægði til að samþykkja nýja grein, en áður þurfti 2/3 hluti nefndarmanna að samþykkja.

Alþjóða siglingasambandið ákvað í maí 2012 að flugdrekabretti yrðu á dagskrá ólympíuleikanna í stað seglbretta en þeirri ákvörðun var snúið við á aðalfundi í nóvember sama ár. Alþjóða hjólreiðasambandið tilkynnti að það myndi endurskoða hjólagreinarnar í kjölfarið á lyfjahneykslinu sem upp kom vegna játninga Lance Armstrong og ásakana um að sambandið hefði reynt að breiða yfir lyfjanotkun keppenda.

Þátttökulönd

Þátttökulönd á ólympíuleikunum.

Allar 206 starfandi ólympíunefndirnar höfðu keppendur sem höfðu áunnið sér keppnisrétt. Keppendur verða yfir 11.000 talsins. Fjölmennustu liðin komu frá Bandaríkjunum, Brasilíu, Þýskalandi og Ástralíu. Brasilía fékk sjálfkrafa þátttökurétt í nokkrum greinum sem gestgjafi.

Kosóvó og Suður-Súdan sendu keppendur á leikana í fyrsta sinn. Kúveit var bönnuð þátttaka í annað sinn vegna afskipta ríkisstjórnar landsins af störfum ólympíunefndarinnar. Búlgarskir og rússneskir kraftlyftingamenn fengu ekki að taka þátt vegna lyfjamisferlis. Í nóvember 2015 mælti Alþjóða frjálsíþróttasambandið með því að rússneskum keppendum yrði haldið frá keppni vegna víðtæks lyfjamisferlis sem fjallað var um í skýrslu Alþjóða lyfjaeftirlitsins. Alþjóða ólympíunefndin hafnaði tillögunni í júlí árið eftir.

Sjálfstæðir keppendur

Alþjóða ólympíunefndin heimilaði íþróttamönnum að keppa sjálfstætt undir ólympíufánanum. Það átti við um níu keppendur frá Kúveit þar sem landinu var óheimil þátttaka. Á fyrri leikum voru flóttamenn ekki gjaldgengir þar sem þeir gátu ekki komið fram fyrir hönd sinnar ólympíunefndar. 2. mars 2016 var búið til sérstakt flóttamannalið. Af 43 flóttamönnum sem komu til greina í liðið voru 10 valdir. Þeir voru meðal annars frá Suður-Súdan, Austur-Kongó og Sýrlandi.

Þátttaka Íslendinga á leikunum

Þar sem handboltalandsliðið komst ekki til Ríó var keppendahópur Íslands sá fáliðasti frá því á ÓL 1968 með átta íþróttamönnum í fjórum greinum íþrótta. Aníta Hinriksdóttir, Guðni Valur Guðnason og Ásdís Hjálmsdóttir kepptu öll í frjálsum íþróttum en ekkert þeirra komst í úrslitakeppni. Sömu sögu mátti segja um Þormóð Jónsson keppanda í júdó og Irinu Sazonovu í fimleikum. Tveir af þremur keppendum í sundi, þær Eygló Ósk Gústafsdóttir og Hrafnhildur Lúthersdóttir komust í úrslitariðil. Eygló Ósk hafnaði á Íslandsmeti í áttunda sæti í 200 metra baksundi en Hrafnhildur í sjötta sæti í 100 metra bringusundi.

Viðburðir

Ágúst		3 Mið	4 Fim	5 Fös	6 Lau	7 Sun	8 Mán	9 Þri	10 Mið	11 Fim	12 Fös	13 Lau	14 Sun	15 Mán	16 Þri	17 Mið	18 Fim	19 Fös	20 Lau	21 Sun	Úrslit
Opnunar-/lokahátíð				OH																LH
Bogfimi					1	1	●	●	●	1	1										4
Frjálsar íþróttir											3	5	4	5	5	4	6	7	7	1	47
Badminton										●	●	●	●	●	●	1	1	2	1		5
Körfuknattleikur					●	●	●	●	●	●	●	●	●	●	●	●	●	●	1	1	2
Hnefaleikar					●	●	●	●	●	●	●	●	1	1	1	1	1	1	3	4	13
Kanóróður	Svig					●	●	1	1	2											16
	Sprettur													●	4	●	4	●	4
Hjólreiðar	Götuhjólreiðar				1	1			2												18
	Brautarkeppni									1	2	2	1	1	3
	BMX															●	●	2
	Fjallahjól																		1	1
Dýfingar						1	1	1	1		●	●	1	●	1	●	1	●	1		8
Hestamennska					●	●	●	2	●	●	1		●	1	●	1		1			6
Skylmingar					1	1	1	1	2	1	1	1	1								10
Hokkí					●	●	●	●	●	●	●	●	●	●	●	●	1	1			2
Knattspyrna		●	●		●	●		●	●		●	●			●	●		1	1		2
Golf										●	●	●	1			●	●	●	1		2
Fimleikar	Listrænir-				●	●	1	1	1	1			4	3	3	EG					18
	Dans-																	●	1	1
	Trampólín-										1	1
Handbolti					●	●	●	●	●	●	●	●	●	●	●	●	●	●	1	1	2
Júdó					2	2	2	2	2	2	2										14
Nútímafimmtarþraut																	●	1	1		2
Kappróður					●	●	●	●	2	4	4	4									14
Ruðningur					●	●	1	●	●	1											2
Siglingar							●	●	●	●	●	●	2	2	2	2	2				10
Skotfimi					2	2	2	1	2	1	2	2	1								15
Sund					4	4	4	4	4	4	4	4		1	1						34
Listsund													●	●	1		●	1			2
Borðtennis					●	●	●	●	1	1	●	●	●	●	1	1					4
Tækvondó																2	2	2	2		8
Tennis					●	●	●	●	●	●	1	1	3								5
Þríþraut																	1		1		2
Blak	Strandblak				●	●	●	●	●	●	●	●	●	●	●	1	1				4
	Innanhúss-				●	●	●	●	●	●	●	●	●	●	●	●	●	●	1	1
Sundknattleikur					●		●	●	●	●	●	●	●	●	●	●	●	1	1		2
Lyftingar					1	2	2	2	2		2	1	1	1	1						15
Glíma													2	2	2	3	3	2	2	2	18
Úrslit alls					12	14	14	15	20	19	24	21	22	17	25	16	23	22	30	12	306
Samtala					12	26	40	55	75	94	118	139	161	178	203	219	242	264	294	306
Ágúst		3 Mið	4 Fim	5 Fös	6 Lau	7 Sun	8 Mán	9 Þri	10 Mið	11 Fim	12 Fös	13 Lau	14 Sun	15 Mán	16 Þri	17 Mið	18 Fim	19 Fös	20 Lau	21 Sun	Úrslit