Alis
Alis mata ing biasané mahluk mamalia arupa bagian kang rodhok nonjol sitik ing bagian duwur kelopak mata arupa rambut kang alus. Alis mata nduwèni manfaat minangka pelindung mata kang peka saka tètèsan kringet kang tiba saka bagian bathuk, banyu udan, utawa cahaya matahari.
Wujud alis mata manungsa biasané kaya déné nanggal sepisan karo lengkungan rodhok tajem ing bagian pelipis. Ana uga uwong kanthi alis mata bagian kiwa lan bagian tengen kang sinambung dadi siji.
Bentuk alis mata lan arah tukulé rambut ing alis nduwèni maksud supaya kringet utawa banyu bisa mili mara ing kening lan tiba ing pipi. Wujud balung bathuk ing bagian alis mata uga nduweni maksud kanggo nglindungi mata saka tètèsan kringét lan banyu.
Alis mata uga nduwèni fungsi minangka penahan manéka macem kotoran kang isa mlebu mata, kayata pasir, lebu, lan sindap utawa ketombe. Sakliyané iku rambut ing alis mata uga nambah kepekaan ing kulit kanggo ngrasakaké objek asing kang ana ing cedhaké mata, misalé serangga kang arep mlebu ing mata.
Sakjeroning komunikasi antarané manungsa, alis mata uga salah sijiné alat kanggo ngungkapaké manéka warna ekspresi, kayata nggumun, jèngkèl, bingung, utawa ora paham.
Riasan alis mata
Alis mata uga salah sijiné objèk kanggo dirias sajroné wajah manungsa. Bentuk alis ngribawani riasan mata sacara sekabèhané, sahingga wanita asring ngrapikaké alis kanthi cara dicabut, dicukur, utawa digunting amprih éntuk bentuk alis kang ideal.
Pranala njaba
| Artikel iki minangka artikel rintisan. Kowé bisa ngéwangi Wikipédia ngembangaké. |