Teungku Chik di Tiro
| Teungku Chik di Tiro | |
|---|---|
 Teungku Chik Di Tiro Muhammad Saman | |
| Lair | 1836 Tiro, Pidie, Kesultanan Aceh |
| Pati | Januari 1891 Aneuk Galong, Kesultanan Aceh |
| Kondhang ing | Pahlawan Nasional Indonésia |
Teungku Chik di Tiro (cara Acèh, tegesé Imam ulama ing laladan Tiro) utawa ajeneng dawa Muhammad Saman (Tiro, Pidie, 1836 – Aneuk Galong, Januari 1891), iku wira nasiyonal Indonésia saka Acèh.[1] Teungku Muhammad Saman iku putra saka Teungku Syekh Ubaidillah.[1] Biyungé iku Siti Aisyah, putri Teungku Syekh Abdussalam Muda Tiro.[1] Dhèwèké lair taun 1836, ngepasi taun 1251 Hijriyah ana ing Dayah Jrueng kanagarian Cumbok Lam Lo, Tiro, laladan saka Pidie, Acèh.[1] Cik di Tiro gedhé ana ing kulawarga kang agamané kuwat.[1] Nalika Cik Di Tiro munggah kaji ana ing Mekkah, dhèwèké panggah nyinaoni agamané.[1] Saliyané iku, Cik Di Tiro uga nemoni panggedhé-panggedhé Islam kang ana ing Mekkah.[2] Amarga iku, Cik Di Tiro ngertèni cara para pangudi Islam kang ana ing Mekkah anggoné merangi imperialisme lan kolonialisme.[2] Nganggo ajaran kang diyakini, Muhammad Saman bisa ngorbanaké apa waé kang diduwèni, ya iku bandha, kalungguhan, apa déné nyawa kanggo yasa agama lan bangsa.[2] Kayakinan iki dibuktèkaké lumantar Perang Sabil.[2] Sawisé nglakoni Perang Sabil, siji baka siji bèntèng Walanda bisa direbut.[2] Saliyané bètèng-bètèng, uga wewengkon kang sasuwéné iki dikuwasani Walanda bisa direbut.[2] Ana ing wulan Mèi taun 1881, wadyabala Muhammad Saman bisa ngrebut bètèng Walanda Lam Baro, Aneuk Galong, lan liya-liyane.[2] Péhak Walanda pungkasé ngirim panganan kang wis diwisani kanggo neluk wadyabala Muhammad Saman.[2] Tanpa cubriya, Chik di Tiro banjur mangan iku[2] sing njalari patiné ana ing wulan Januari 1891 ing Bètèng Aneuk Galong.[2]
Cathetan suku
| Artikel iki minangka artikel rintisan. Kowé bisa ngéwangi Wikipédia ngembangaké. |
 | Artikel biografi Indonésia iki minangka artikel rintisan. Kowé bisa ngéwangi Wikipédia ngembangaké. |