Daniel Jacob Radcliffe (lair ing London, Inggris, 23 Juli1989; umur 35 taun) inggih punika satunggalipun pemeran saking Inggris ingkang misuwur amargi maragakaken paraga Harry Potter.[1][2] Daniel punika putranipun Alan Radcliffe lan Marcia Gersham.[1] Panjenenganipun dados aktor ingkang dados aktor ingkang saé piyambak saking taun 2003 ngantos taun 2006.[1] Daniel sampun miwiti maragakaken paraga Harry Potter wiwit umuripun nembé 11 taun.[1] Karakter Harry Potter dipunakeni déning Daniel, memper kaliyan karakteripun piyambak ing saben dintenipun.[1] Daniel main filem Harry Potter kaliyan kalih kancanipun ingkang namanipun Rupert Grint ingkang maragakaken paraga Ron Weasley lan Emma Watson ingkang maragakaken paraga Hermione Granger. Wiwit Daniel main filem ing filem Harry Potter kathah fans ingkang reruntungan langsung dados fanatik dhateng Harry Potter mliginipun tiyang èstri. Daniel sampun mbintangi 7 filem Harry Potter, inggih punika, (1) Harry Potter and the Sorcerer's Stone, (2) Harry Potter and the Chamber of Secret, (3) Harry Potter and the prisoner of Azkaban, (4) Harry Potter and the Goblet of Fire, (5) Harry Potter and the Order of the Phoenix, (6) Harry Potter And The Half-Blood Prince, (7) Harry Potter and the Deathly Hallows Part 1.[1] Sapunika Daniel taksih nglaksanakaken karier pungkasan ing filem Harry Potter, inggih punika Harry Potter And The Deathly Hallows Part 2. Amargi sampun main serial filem Harry Potter, Daniel dados rumaja ingkang paling sugih ing Inggris.[1]
London
