Kompi

Kompi iku tataran ékan militèr kang dumadi saka 100 nganti 250 prajurit. Lumrahé kompi kapérang dadi telu utawa papat peleton, nanging bab iki béda-béda gumantung nagara lan jinis ékan anggota kompi. Loro nganti enem kompi lumrahé diwadhahi sajeroning siji batalyon.

TNI-AD

Komandan Kompi (Dan Ki) lumrahé diwengku déning prajurit kanthi pangkat Kapten. Sajeroning ékan infanteri, ana telung warna kompi, kang disarujukaké karo fungsiné, ya iku Kompi Senapan (Kipan), Kompi Markas (Kima), lan Kompi Bantuan (Kiban). Kompi Senapan disiapaké kanggo operasi lapangan, kanthi panjurung Kompi Bantuan. Persenjataan Kompi Bantuan luwih abot tinimbang persenjataan Kompi senapan. Saliyané persenjataan perorangan kaya kang digawa déning prajurit Kompi Senapan, persenjataan Kompi Bantuan isih ditambah nganggo senapan mesin sedang (SMS), mitraliur, lan mortir.

Kompi Mandhiri ing lingkungan TNI-AD

Kompi Mandhiri utawa Kompi Berdiri Sendiri dicekak (BS) sajeroning TNI-AD iku ora dumunung ana sangisoré batalyon nanging ana ing sangisoré Divisi, Brigade, Komando Teritorial utawa Badan Pelaksana Khusus (Balakpus) TNI-AD antarané: Kompi Nubika Direktorat Zeni, Kompi Jihandak Direktorat Zeni ana ing sangisoré komando Direktorat Zeni TNI-AD , Kompi Kavaleri Panser ing Kodam Diponegoro, Udayana, Brawijaya. Conto Kompi berdiri sendiri liyané: Kompi Keséhatan, Kompi Kavaleri Intai, Kompi PHB, Kompi Benghar, Kompi POM-AD ing Divisi Infanteri 2 Kostrad, Kompi Perhubungan ing Korem 072/Pamungkas, lsp.

Nagara liya

Angkatan Dharat Inggris biyasa njenengaké kompi senapan kanthi aksara (lumrahé A, B, lan C). Kompi ing Inggris dipanggedhèni déning pangkat Mayor, lan dibantu déning pangkat Kapten. Nanging wiwit Perang Donya II kompi senapan wiwit dipanggedhèni déning Kapten waé.

Sajeroning militèr Amérikah Sarékat, kompi infanteri biyasa dipérang dadi telung peleton senapan lan siji peleton senjata berat. Kompi tank biyasa dumadi saka telung peleton tank lan unsur komando. Kompi infanteri AS uga dipanggedhèni déning prajurit kanthi pangkat kapten.