Alkitab/Kaimaman/15

^15:1 ꦒꦸꦱ꧀ꦠꦶꦄꦭ꧀ꦭꦃꦤ꧀ꦢꦮꦸꦃꦲꦏꦺꦩꦫꦁ​꧊ꦩꦸꦱꦭꦤ꧀ꦲꦫꦸꦤ꧀꧈​ꦥꦽꦤꦠꦤ꧀ꦥꦽꦤꦠꦤ꧀

^15:2 ꦏꦁꦒꦺꦴꦧꦁꦱ​꧊ꦆꦱꦿꦲꦺꦭ꧀꧈​ꦩꦼꦁꦏꦺꦤꦺ:"ꦲꦸꦩ꧀ꦧꦼꦭ꧀ꦱꦶꦁꦩꦼꦠꦸꦱꦏꦥ꧀ꦭꦤꦁꦔꦤ꧀ꦏꦸꦮꦶꦤꦗꦶꦱ꧀꧈​

^15:3 ꦲꦶꦪꦱꦶꦁꦤ꧀ꦢ꧀ꦭꦺꦮꦺꦂꦩꦼꦠꦸꦝꦺꦮꦺ꧈​ꦲꦸꦠꦮꦱꦶꦁꦏꦤ꧀ꦝꦼꦒ꧀꧈​ꦲꦺꦴꦫꦧꦶꦱꦩꦼꦠꦸ꧈​ꦏꦸꦮꦶꦠꦼꦠꦼꦥ꧀ꦤꦗꦶꦱ꧀꧉​

^15:4 ꦥꦼꦠꦸꦫꦺꦴꦤ꧀ꦱꦶꦁꦢꦶꦭꦸꦁꦒꦸꦃꦲꦶꦲꦸꦠꦮꦢꦶꦠꦸꦫꦺꦴꦤ꧀ꦤꦶꦮꦺꦴꦁꦩꦲꦸꦲꦸꦒꦢꦢꦶꦤꦗꦶꦱ꧀꧉​

^15:5 (15:5-8)ꦱꦥꦱꦶꦁꦔ꧀ꦒꦼꦥꦺꦴꦏ꧀ꦮꦺꦴꦁꦔꦺ꧈​ꦔ꧀ꦒꦼꦥꦺꦴꦏ꧀ꦥꦼꦠꦸꦫꦺꦴꦤꦺꦲꦸꦠꦮꦭꦸꦁꦒꦸꦃꦲꦶꦁꦏꦺꦴꦤꦺꦴ꧈​ꦲꦸꦠꦮꦏꦼꦤꦲꦶꦢꦸꦤꦺ꧈​ꦏꦸꦢꦸꦔꦸꦩ꧀ꦧꦃꦱꦤ꧀ꦝꦁꦔꦤ꧀ꦤꦺꦭꦤ꧀ꦏꦸꦢꦸꦲꦢꦸꦱ꧀꧈​ꦱꦂꦠꦢꦢꦶꦤꦗꦶꦱ꧀ꦠꦼꦏꦤ꧀ꦱꦸꦫꦸꦥ꧀꧉​

^15:6 (15:5)

^15:7 (15:5)

^15:8 (15:5)

^15:9 ꦭꦥꦏ꧀ꦭꦤ꧀ꦏꦸꦂꦱꦶꦱꦶꦁꦢꦶꦭꦸꦁꦒꦸꦃꦲꦶꦮꦺꦴꦁꦱꦶꦁꦏꦪꦔꦺꦴꦤꦺꦴꦩꦲꦸꦲꦸꦒꦢꦢꦶꦤꦗꦶꦱ꧀꧉​

^15:10 (15:10-11)ꦱꦥꦱꦶꦁꦔ꧀ꦒꦼꦥꦺꦴꦏ꧀ꦲꦸꦠꦮꦱꦶꦁꦔꦁꦏꦠ꧀ꦧꦫꦁꦱꦶꦁꦩꦼꦤ꧀ꦠꦱ꧀ꦢꦶꦭꦸꦁꦒꦸꦃꦲꦶꦲꦸꦠꦮꦢꦶꦒꦼꦥꦺꦴꦏ꧀ꦮꦺꦴꦁꦩꦲꦸ꧈​ꦩꦁꦏꦲꦺꦴꦫꦮꦶꦱꦸꦃꦠꦔꦤ꧀꧈​ꦏꦸꦮꦶꦤꦗꦶꦱ꧀ꦠꦼꦏꦤ꧀ꦱꦸꦫꦸꦥ꧀꧉​ꦮꦺꦴꦁꦏꦸꦮꦶꦏꦸꦢꦸꦔꦸꦩ꧀ꦧꦃꦱꦤ꧀ꦝꦁꦔꦤ꧀ꦤꦺꦭꦤ꧀ꦲꦢꦸꦱ꧀;ꦱꦂꦠꦤꦗꦶꦱ꧀ꦠꦼꦏꦤ꧀ꦱꦸꦫꦸꦥ꧀꧉​

^15:11 (15:10)

^15:12 ꦒꦿꦧꦃꦱꦶꦁꦢꦶꦒꦼꦥꦺꦴꦏ꧀ꦮꦺꦴꦁꦱꦶꦁꦏꦼꦤꦩꦼꦩꦭꦩꦲꦸꦏꦸꦢꦸꦢꦶꦉꦩꦸꦏ꧀꧈​ꦧꦏꦶꦱꦏꦏꦪꦸꦱꦶꦁꦩꦼꦤ꧀ꦠꦱ꧀ꦢꦶꦕꦼꦏꦼꦭ꧀ꦏꦸꦢꦸꦢꦶꦲꦱꦃꦲꦶ꧉​

^15:13 ꦪꦺꦤ꧀ꦮꦺꦴꦁꦱꦶꦁꦏꦼꦤꦩꦼꦩꦭꦔꦼꦠꦺꦴꦏ꧀ꦏꦏꦺꦲꦸꦩ꧀ꦧꦼꦭ꧀ꦩꦲꦸꦮꦶꦱ꧀ꦩꦫꦶ꧈​ꦏꦸꦢꦸꦔꦼꦤ꧀ꦠꦺꦤ꧀ꦤꦶꦥꦶꦠꦸꦁꦢꦶꦤ꧉​ꦱꦮꦶꦱ꧀ꦱꦺꦏꦸꦮꦶꦏꦸꦢꦸꦔꦸꦩ꧀ꦧꦃꦱꦤ꧀ꦝꦁꦔꦤ꧀ꦤꦺꦭꦤ꧀ꦲꦢꦸꦱ꧀ꦲꦶꦁꦱꦸꦩꦸꦂ꧈​ꦭꦒꦶꦢꦢꦶꦉꦱꦶꦏ꧀ꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧉​

^15:14 ꦲꦶꦁꦮꦺꦴꦭꦸꦁꦢꦶꦤꦤꦺꦮꦺꦴꦁꦩꦲꦸꦏꦸꦢꦸꦔ꧀ꦒꦮꦩꦤꦸꦏ꧀ꦢꦫꦲꦸꦠꦮꦩꦤꦸꦏ꧀ꦢꦽꦏꦸꦏꦸꦭꦺꦴꦫꦺꦴꦩꦼꦚꦁꦭꦮꦁꦔꦶꦁꦏꦺꦩꦃꦱꦸꦕꦶ꧈​ꦢꦶꦥꦱꦿꦃꦲꦏꦺꦩꦫꦁꦲꦶꦩꦩ꧀꧉​

^15:15 ꦲꦶꦩꦩ꧀ꦏꦸꦢꦸꦚꦲꦺꦴꦱ꧀ꦱꦏꦺꦩꦤꦸꦏ꧀ꦩꦤꦸꦏ꧀ꦩꦲꦸ꧈​ꦱꦶꦁꦱꦶꦗꦶꦏꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦱꦶꦗꦶꦤꦺꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​ꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦤꦶꦤ꧀ꦢꦏ꧀ꦏꦏꦺꦲꦸꦥꦕꦫꦥꦱꦸꦕꦺꦤ꧀ꦏꦁꦒꦺꦴꦮꦺꦴꦁꦱꦶꦁꦏꦼꦤꦩꦼꦩꦭꦩꦲꦸ꧈​ꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧉​

^15:16 ꦮꦺꦴꦁꦭꦤꦁꦱꦶꦁꦔꦼꦠꦺꦴꦏ꧀ꦏꦏꦺꦩꦤꦶꦏꦸꦢꦸꦔꦽꦱꦶꦏ꧀ꦏꦶꦲꦮꦏ꧀ꦏꦺꦱꦼꦏꦺꦴꦗꦸꦂ;ꦮꦺꦴꦁꦩꦲꦸꦤꦗꦶꦱ꧀ꦠꦼꦏꦤ꧀ꦱꦸꦫꦸꦥ꧀꧉​

^15:17 ꦲꦥꦮꦲꦺ꧈​ꦧꦫꦁꦠꦼꦤꦸꦤ꧀ꦤꦤ꧀ꦲꦸꦠꦮꦏꦸꦭꦶꦠ꧀ꦱꦶꦁꦏꦼꦤꦩꦤꦶꦏꦸꦢꦸꦢꦶꦏꦸꦩ꧀ꦧꦃ;ꦧꦫꦁꦩꦲꦸꦤꦗꦶꦱ꧀ꦠꦼꦏꦤ꧀ꦱꦸꦫꦸꦥ꧀꧉​

^15:18 ꦮꦺꦴꦔꦭꦤꦁ꧈​ꦮꦺꦴꦔꦮꦢꦺꦴꦤ꧀꧈​ꦱꦮꦶꦱ꧀ꦱꦺꦕꦩ꧀ꦥꦸꦂꦏꦸꦢꦸꦲꦢꦸꦱ꧀;ꦮꦺꦴꦁꦮꦺꦴꦁꦩꦲꦸꦤꦗꦶꦱ꧀ꦠꦼꦏꦤ꧀ꦱꦸꦫꦸꦥ꧀꧉​

^15:19 ꦮꦺꦴꦁꦮꦢꦺꦴꦤ꧀ꦱꦶꦁꦭꦒꦶꦔ꧀ꦒꦫꦥ꧀ꦱꦫꦶꦏꦸꦮꦶꦤꦗꦶꦱ꧀ꦭꦮꦱ꧀ꦱꦺꦥꦶꦠꦸꦁꦢꦶꦤ꧉​ꦱꦥꦱꦶꦁꦔ꧀ꦒꦼꦥꦺꦴꦏ꧀ꦮꦺꦴꦁꦮꦢꦺꦴꦤ꧀ꦩꦲꦸ꧈​ꦤꦗꦶꦱ꧀ꦠꦼꦏꦤ꧀ꦱꦸꦫꦸꦥ꧀꧉​

^15:20 ꦧꦫꦁꦱꦶꦁꦢꦶꦭꦸꦁꦒꦸꦃꦲꦶꦲꦸꦠꦮꦢꦶꦠꦸꦫꦺꦴꦤ꧀ꦤꦶꦮꦺꦴꦁꦮꦢꦺꦴꦤ꧀ꦱꦶꦁꦭꦒꦶꦔ꧀ꦒꦫꦥ꧀ꦱꦫꦶ꧈​ꦲꦶꦪꦢꦢꦶꦤꦗꦶꦱ꧀꧉​

^15:21 (15:21-23)ꦱꦥꦱꦶꦁꦔ꧀ꦒꦼꦥꦺꦴꦏ꧀ꦥꦁꦒꦺꦴꦤ꧀ꦤꦤ꧀ꦱꦶꦁꦩꦼꦤ꧀ꦠꦱ꧀ꦢꦶꦠꦸꦫꦺꦴꦤ꧀ꦤꦶꦲꦸꦠꦮꦢꦶꦭꦸꦁꦒꦸꦃꦲꦶꦮꦺꦴꦁꦮꦢꦺꦴꦤ꧀ꦱꦶꦁꦭꦒꦶꦔ꧀ꦒꦫꦥ꧀ꦱꦫꦶ꧈​ꦏꦸꦢꦸꦔꦸꦩ꧀ꦧꦃꦱꦤ꧀ꦝꦁꦔꦤ꧀ꦤꦺꦭꦤ꧀ꦲꦢꦸꦱ꧀;ꦮꦺꦴꦁꦩꦲꦸꦤꦗꦶꦱ꧀ꦠꦼꦏꦤ꧀ꦱꦸꦫꦸꦥ꧀꧉​

^15:22 (15:21)

^15:23 (15:21)

^15:24 ꦮꦺꦴꦁꦭꦤꦁꦱꦶꦁꦤꦸꦫꦺꦴꦤ꧀ꦤꦶꦮꦺꦴꦁꦮꦢꦺꦴꦤ꧀ꦱꦶꦁꦭꦒꦶꦔ꧀ꦒꦫꦥ꧀ꦱꦫꦶ꧈​ꦏꦸꦮꦶꦤꦗꦶꦱ꧀ꦭꦮꦱ꧀ꦱꦺꦥꦶꦠꦸꦁꦢꦶꦤꦭꦤ꧀ꦥꦼꦠꦸꦫꦺꦴꦤ꧀ꦱꦶꦁꦢꦶꦠꦸꦫꦺꦴꦤ꧀ꦤꦶꦩꦲꦸꦲꦶꦪꦢꦢꦶꦤꦗꦶꦱ꧀꧉​

^15:25 ꦮꦺꦴꦁꦮꦢꦺꦴꦤ꧀ꦱꦶꦁꦔꦼꦠꦺꦴꦏ꧀ꦏꦏꦺꦒꦼꦠꦶꦃꦱꦭꦶꦪꦤꦺꦔ꧀ꦒꦫꦥ꧀ꦱꦫꦶ꧈​ꦲꦸꦠꦮꦭꦸꦮꦶꦃꦱꦸꦮꦺꦲꦼꦁꦒꦺꦴꦤꦺꦔꦼꦠꦺꦴꦏ꧀ꦏꦏꦺꦒꦼꦠꦶꦃꦏꦼꦠꦶꦩ꧀ꦧꦁꦲꦢꦠ꧀ꦠꦺ꧈​ꦱꦼꦭꦮꦱ꧀ꦱꦺꦲꦶꦱꦶꦃꦔꦼꦠꦺꦴꦏ꧀ꦏꦏꦺꦒꦼꦠꦶꦃ꧈​ꦢꦢꦶꦤꦗꦶꦱ꧀ꦏꦪꦪꦺꦤ꧀ꦭꦒꦶꦔ꧀ꦒꦫꦥ꧀ꦱꦫꦶ꧉​

^15:26 ꦥꦁꦒꦺꦴꦤ꧀ꦤꦤ꧀ꦱꦶꦁꦢꦶꦠꦸꦫꦺꦴꦤ꧀ꦤꦶꦲꦸꦠꦮꦢꦶꦭꦸꦁꦒꦸꦃꦲꦶꦲꦸꦒꦢꦢꦶꦤꦗꦶꦱ꧀꧉​

^15:27 ꦱꦥꦱꦶꦁꦔ꧀ꦒꦼꦥꦺꦴꦏ꧀ꦥꦁꦒꦺꦴꦤ꧀ꦤꦤ꧀ꦩꦲꦸꦲꦶꦪꦢꦢꦶꦤꦗꦶꦱ꧀꧉​ꦮꦺꦴꦁꦩꦲꦸꦏꦸꦢꦸꦔꦸꦩ꧀ꦧꦃꦱꦤ꧀ꦝꦁꦔꦤ꧀ꦤꦺ;ꦭꦤ꧀ꦤꦗꦶꦱ꧀ꦠꦼꦏꦤ꧀ꦱꦸꦫꦸꦥ꧀꧈​

^15:28 ꦪꦺꦤ꧀ꦲꦼꦁꦒꦺꦴꦤꦺꦔꦼꦠꦺꦴꦏ꧀ꦏꦏꦺꦒꦼꦠꦶꦃꦮꦶꦱ꧀ꦩꦩ꧀ꦥꦼꦠ꧀꧈​ꦮꦺꦴꦁꦮꦢꦺꦴꦤ꧀ꦩꦲꦸꦏꦸꦢꦸꦔꦼꦤ꧀ꦠꦺꦤ꧀ꦤꦶꦥꦶꦠꦸꦁꦢꦶꦤꦩꦼꦤꦺꦃ꧉​ꦭꦒꦶꦱꦮꦶꦱ꧀ꦱꦺꦏꦸꦮꦶꦢꦢꦶꦉꦱꦶꦏ꧀ꦩꦤꦸꦠ꧀ꦥꦽꦤꦠꦤꦶꦁꦲꦒꦩ꧉​

^15:29 ꦲꦶꦁꦮꦺꦴꦭꦸꦁꦢꦶꦤꦤꦺꦮꦺꦴꦁꦩꦲꦸꦏꦸꦢꦸꦔ꧀ꦒꦮꦩꦤꦸꦏ꧀ꦢꦫꦲꦸꦠꦮꦩꦤꦸꦏ꧀ꦢꦽꦏꦸꦏꦸꦭꦺꦴꦫꦺꦴ꧈​ꦢꦶꦥꦱꦿꦃꦲꦏꦺꦩꦫꦁꦲꦶꦩꦩ꧀ꦲꦤꦲꦶꦁꦭꦮꦁꦔꦺꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​

^15:30 ꦩꦤꦸꦏ꧀ꦱꦶꦁꦱꦶꦗꦶꦢꦶꦱꦲꦺꦴꦱ꧀ꦱꦏꦺꦏꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦱꦶꦗꦶꦤꦺꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧉​ꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦤꦶꦤ꧀ꦢꦏ꧀ꦏꦏꦺꦲꦸꦥꦕꦫꦱꦼꦱꦸꦕꦶꦩꦤꦸꦠ꧀ꦥꦽꦤꦠꦤꦶꦁꦲꦒꦩꦏꦁꦒꦺꦴꦮꦺꦴꦁꦮꦢꦺꦴꦤ꧀꧉"​

^15:31 ꦒꦸꦱ꧀ꦠꦶꦄꦭ꧀ꦭꦃꦝꦮꦸꦃꦩꦫꦁ​꧊ꦩꦸꦱ꧈​ꦔꦺꦭꦶꦏ꧀ꦏꦏꦺꦧꦁꦱ​꧊ꦆꦱꦿꦲꦺꦭ꧀꧈​ꦱꦸꦥꦪꦥꦝꦔ꧀ꦒꦠꦺꦏ꧀ꦏꦏꦺꦲꦮꦏ꧀ꦏꦺꦤꦗꦶꦱ꧀ꦲꦥꦉꦱꦶꦏ꧀꧉​ꦲꦗꦔꦤ꧀ꦠꦶꦮꦺꦴꦁꦮꦺꦴꦁꦩꦲꦸꦒꦮꦺꦤꦗꦶꦱ꧀ꦱꦺꦏꦺꦩꦃꦱꦸꦕꦶ꧈​ꦱꦶꦁꦲꦤꦲꦶꦁꦠꦼꦔꦃꦲꦺꦧꦁꦱꦩꦲꦸ꧉​ꦱꦥꦱꦶꦁꦒꦮꦺꦤꦗꦶꦱ꧀ꦱꦺꦏꦺꦩꦃꦱꦸꦕꦶꦧꦏꦭ꧀ꦤꦼꦩꦃꦲꦶꦩꦠꦶ꧉​

^15:32 ꦩꦼꦁꦏꦺꦴꦤꦺꦴꦩꦲꦸꦥꦽꦤꦠꦤ꧀ꦥꦽꦤꦠꦤ꧀ꦧꦧ꧀ꦮꦺꦴꦁꦭꦤꦁꦱꦶꦁꦔꦼꦠꦺꦴꦏ꧀ꦏꦏꦺꦲꦸꦩ꧀ꦧꦼꦭ꧀ꦭꦤ꧀ꦩꦤꦶ꧈​

^15:33 ꦧꦧ꧀ꦮꦺꦴꦁꦮꦢꦺꦴꦤ꧀ꦱꦶꦁꦤꦤ꧀ꦝꦁꦱꦸꦏꦼꦂ꧈​ꦱꦂꦠꦮꦺꦴꦁꦭꦤꦁꦱꦶꦁꦤꦸꦫꦺꦴꦤ꧀ꦤꦶꦮꦺꦴꦁꦮꦢꦺꦴꦤ꧀ꦱꦶꦁꦤꦗꦶꦱ꧀꧉​