ევროკავშირის ენები
ევროკავშირში შემავალი სახელმწიფოების ტერიტორიაზე 60-მდე ენა გამოიყენება, მათ შორის ამ ორგანიზაციის მიერ ოფიციალურად აღიარებულია მხოლოდ 20.
ევროკავშირში გავრცელებული ენები
[რედაქტირება | წყაროს რედაქტირება]აქ მოტანილი ცხრილი ასახავს ევროკავშირის 5 უდიდესი ენის გავრცელების მაჩვენებლებს ევროკავშირის წევრი სახელმწიფოების ტერიტორიაზე.
| ენის დასახელება | ფლობს როგორც მშობლიურს |
ფლობს როგორც მეორე ენას |
ფლობის საერთო მაჩვენებელი |
|---|---|---|---|
| გერმანული ენა | 24% | 8% | 32% |
| ფრანგული ენა | 16% | 12% | 28% |
| ინგლისური ენა | 16% | 31% | 47% |
| იტალიური ენა | 16% | 2% | 18% |
| ესპანური ენა | 11% | 4% | 15% |
ევროკავშირის ოფიციალური ენები
[რედაქტირება | წყაროს რედაქტირება]- ბულგარული - ბულგარეთი
- ბერძნული - საბერძნეთი, კვიპროსი
- გერმანული - გერმანია, ავსტრია, ლუქსემბურგი
- დანიური - დანია
- ესპანური - ესპანეთი
- ესტონური - ესტონეთი
- ინგლისური - დიდი ბრიტანეთი, ირლანდია, მალტა
- იტალიური - იტალია
- ლატვიური - ლატვია
- ლიეტუვური - ლიეტუვა
- მალტური - მალტა
- ნიდერლანდური - ნიდერლანდები, ბელგია
- პოლონური - პოლონეთი
- პორტუგალიური - პორტუგალია
- სლოვაკური - სლოვაკეთი
- სლოვენური - სლოვენია
- უნგრული - უნგრეთი
- ფინური - ფინეთი
- ფრანგული - საფრანგეთი, ბელგია, ლუქსემბურგი
- შვედური - შვედეთი, ფინეთი
- ჩეხური - ჩეხეთი
ყველა გადაწყვეტილება, რომელიც მიიღება ევროკავშირის ოფიციალური ორგანოების მიერ, ითარგმნება ყველა ოფიციალურ ენაზე და ევროკავშირის მოქალაქეები უფლებამისლნი არიან თავის შეკითხვებზე პასუხები მიიღონ ნებისმიერ ოფიციალურ ენაზე. უმაღლესი დონის შეხვედრებზე უზრუნველყოფილია მონაწილეთა გამოსვლების თარგმანი ყველა ოფიციალურ ენაზე (საჭიროების შემთხვევაში). ევროპარლამენტისა და ევროკავშირის საბჭოს სესიები ყოველთვის ტარდება სინქრონული თარგმანის თანხლებით. უნდა აღინიშნოს, რომ ევროკავშირის ინსტიტუტებში ოფიციალური გამოსვლებისა და დოკუმენტების თარგმნის მიზნებისათვის სოლიდური თანხები იხარჯება, კერძოდ, ეს მაჩვენებელი 2004 წელს შეადგენდა 540 მლნ ევროს, ხოლო 2005 წელს - 800 მლნ-ს (დაგეგმილი მაჩვენებელი), რაც ევროკავშირის ბიუჯეტის თითქმის 25%-ს შეადგენს.
მიუხედავად ევროკავშირის ენების დეკლარირებული თანასწორობისა, პრაქტიკაში სხვა პროცესები მიმდინარეობს. შეიმჩნევა ტენდენცია ორენოვნებაზე გადასვლისა, როდესაც ძირითად ენებად გამოიყენება ინგლისური და ფრანგული, ხოლო იშვიათ შემთხვევებში ასევე გერმანულიც.
ევროკავშირის სხვა ენები
[რედაქტირება | წყაროს რედაქტირება]მიუხედავად იმისა, რომ ირლანდია ევროკავშირს მიუერთდა 1973 წელს და მისი პირველი ოფიციალური ენა ირლანდიური იყო, იგი არ იქნა აღიარებული ევროკავშირის ოფიციალურ ენად (თუმცა ევროკავშირის შეთანხმებები ქვეყნებოდა ამ ენაზეც). 2005 წლის 13 ივნისს ეს ხარვეზი შეივსო. და იგი 21-ე ოფიციალურ ენად გამოცხადდა.
- კატალანური, გალისიური და ბასკური ენები.
აღნიშნული ენები სახელმწიფო დონეზე ოფიციალურად არ ითვლება თვით ესპანეთში, მაგრამ ევროპის კავშირის საბჭოს 2005 წლის 13 ივნისის რეზოლუციით ევროკავშირის ინსტიტუტებს უფლება მიეცათ მათი გამოყენებისა. ეს რეზოლუცია არ გულისხმობს მათ გამოცხადებას ევროკავშირის ოფიაციალურ ენებად.
- უელსური და შოტლანდიური ენები
ზემოთაღნიშნული რეზოლუციის კვალდაკვალ გამოჩნდა საპარლამენტო მოთხოვნა დიდი ბრიტანეთის ეროვნულ უმცირესობათა ამ ენების სტატუსის თაობაზე. ამ საკითხის გადაწყვეტა მომავალში არის დაგეგმილი.