K2
K2 yw an menydh nessa ughella y'n bys. Rann yw a venydhyow an Karakoram yn west an Himalayas. Y hanow a dheu dhyworth y vos an eyl venydh henwys war vappa a'n Karakoram. Kampollys an hanow Menydh Godwen Austen yn dedhyow an Raj Bretennek, mes skonyes an hanow gans an Kowethas Doroniethel Riel. Y sev war an or yntra Pakistan ha China. Estemys yw K2 avel an kalessa menydh dhe'y yskynna y'n bys, drefen y vos lower kalessa ages Menydh Everest saw tamm byghan isella dhodho. 31 Gortheren 1954, dew grambler a Itali a sewennas drehedhes an penn, Lino Lacedelli hag Achille Compagnoni. Ny veu an menydh yskynnys arta bys dhe 9 Est 1977, 23 bledhen yn tiwettha, pan waynyas para a Nihon y yskynna. Erbynn mis Est 2004, 246 a bobel re yskynnsa K2 kyn yskynnsa 2,238 Everest kettermyn. Y ferwis 67 a grambloryon dhe'n lyha orth assaya, ow komprehendya 13 dres 1986 hag 11 yn Est 2008. Erbynn an vledhen na, estemys y ferwis 27% a'n bobel a sevis war benn K2 war an fordh yn-nans.
 | |
| Sort |
menydh  |
|---|---|
| Henwys dhyworth |
Karakoram, 2, Henry Haversham Godwin-Austen |
| Doronieth | |
| Rann a'n re a sew |
Seven Second Summits, ultra-prominent peak |
| Konteth |
Taxkorgan Tajik Autonomous County |
| Gwlas |
Pakistan |
| A-ugh an mor |
8,611 Meter |
| Kesordnogyon |
35.8811°N 76.5133°E |
| Sevyans |
4,020 Meter |
| Kadon |
Baltoro Muztagh |
 | |
