Reydholeth
Reydholeth yw an maner may hwra tus diskwedhes ha previ aga honan yn reydhel. Yssynsys yn homma yw omglewansow ha fara bewoniethek, erotek, fisegel, klewansek ha sosyel. Awos bos ger ledan gans ketestennow istorek dyffrans dres termyn, nyns eus styryans kewar dhodho. Dre vras, an teythi bewoniethek ha fisegel a reydholeth a doch gweythresow dinythiansek denel, y'ga mysk an dro gorthyp reydhel a dus.
Tuedhder reydhel a nebonan yw aga fatron bern reydhel y'n keth reydh, ken reydh po py reydhow pynag. Nasyow fisegel ha klewansek a reydholeth a yssyns kevrennow ynter unigynnow diskwedhys der omglewansow down po heweledhow fisegel a gerensa. Teythi sosyel a doch an effeythyow a gowethas denel war reydholeth. Reydholeth a nas hag yw nasys gans teythi gonisogethel, politek, laghel, filosofek, moral, ewnhynsek ha kryjyek a vewnans.
Dre vras, les yn gwriansow reydhel a voghha pan wra unigyn drehedhes kedhorieth. Kyn na wrug tybieth unnik a-dro dhe'n skilys a duedhder reydhel kavos skoodhyans ogas ha pell, yma moy a dhustuni ow skoodhya skilys di-sosyel a duedhder reydhel ages skilys sosyel, yn arbennik rag gwer. Skilys sosyel yw skodhys gans dustuni gwann hepken. Homm yw skodhys pella gans dustuni treuswonisogethel, drefen nag eus kevradhow ughella a vri dhe wonisogethow meur aga ferthyans rag kethreydoleth.
Golokvaow esplegyek a-dro dhe gesparyans denel, dinythians ha towlow dinythians, ha tybieth dyski sosyel a re gwelyow pella a reydholeth. Teythi sosyo-gonisogethek a reydholeth a yssyns displegyansow istorek ha kryjyansow kryjyek. Nebes gonisogethow yw deskrifys avel fronys yn reydholeth. An studyans a reydholeth a yssyns honanieth denel yn bagasow kowethasek, klevesow treuskorrus yn reydhel ha fordhow rewlyans dinythi. Furv an moyha kemmyn a reydholeth denel yw kenreydholeth, mes yma ynwedh kethreydholeth, diwreydholeth, ollreydholeth ha anreydholeth maga ta.
Yma'n erthygel ma owth usya an Furv Skrifys Savonek a-barth Kernowek kres.
|
Onan a'n kans erthygel posekka war Wikipedya yw an erthygel ma. |