Radiophonum
Radiophonum seu radiophonium[1][2] est undarum radiophonicarum exceptaculum, vel accuratius circuitus electricus, qui, quidquid ex antenna inditur, excipit. Ab omnibus signis per antennam conlectis colis electronicis aptum signum radiophonicum separat, quod adeo amplificatur, ut porro pertractari possit. Denique signum ita in formam auditoribus utilem effectum, nempe sonum, redigitur.
