Possidius Calamensis

Possidius (saeculo quinto) fuit amicus Augustini Hipponensis, qui fidam biographiam eius et indiculum operum conscripsit. Episcopus Calamensis provinciae Numidiae fuit.

Vita

Theatrum Romanum Calamense, qua in urbe Possidius fuit episcopus.

Nescitur, quibus diebus Possidius natus et mortuus sit. Prosper Tiro Aquitanus in Epitoma Chronicorum refert eum anno 437 vivum in exsilio versatum esse, postquam una cum duobus aliis episcopis a Geiserico rege Vandalorum, qui fuit Arianus, sede episcopali expulsus est. Post mortem Augustini descriptam Possidius refert amicitiam mutuam per quadraginta annos inviolatam stetisse. Cum Vandali Africam invaserunt, Hipponem Regium fugit, ubi morti Augustini (430) interfuit.

Opera

• Vita S. Augustini, composita ante Karthaginem captam (439), in omnibus operum Augustini editionibus inclusa est.
• Indiculus in ultimo operum Augustini volumine Patrologiae Latinae invenitur.

Nexus externi

• Textus Latinus cum versione Anglica "Vitae S. Augustini" apud Archive.org (PDF)