Rosarium (oratio)

Rosarium Virginis Mariae prex antiqua est ad Mariam Virginem. Originem sumere dicitur a recitatione psalterii e CL psalmis consistentis, quia clerici psalterio carentes loco uniuscuiusque psalmi orationes Pater Noster et Ave Maria dicere solebant.

Historia

De devotione huiusmodi nulla fit mentio ante saeculum tredecimum: quae in Vita sanctae Eulaliae leguntur circa annum 1200 scripta esse iudicantur. Certius tamen est Sanctum Dominicum illam orationem fidelibus christianis recitandam praecepisse dum contra Albigensium haeresim pugnabat, in exordio iamdicti saeculi. Exeunte saeculo quinto decimo tantum in usum generalem venit, ex praedicatione Alani de Rupe, ordinis Fratrum praedicatorum, in partibus Rheni fluminis finitimis, unde motus "Devotio moderna" dictus exordium cepit. Saepe commendatur ab Ecclesia Catholica, sed a ceteris Christianis etiam recitatur.

Rosarium constat ex iteratione precum quibus de variis mysteriis Christi vitae recolitur. Orantes funiculo nodis sive granis praedito saepius utuntur, Corona Rosarii dicto (vide imaginem), ut numerum precum accurate servent. Prex unaquaeque dicitur cum digitus super singulum nodum ponitur. Ergo triplici modo rosarium recitari potest: primum ipsis precum verbis, secundum meditatione de mysteriis, tertium denique apertione cordis ad Deum.

Multi papae encyclicas de rosario scripserunt, exempli gratia papa Leo XIII (Supremi apostolatus officio, Superiore anno, Octobri mense, Magnae Dei Matris, Laetitiae sanctae, Iucunda semper expectatione, Fidentem piumque animum, Augustissimae Virginis Mariae et Diuturni temporis); papa Ioannes XXIII (Grata Recordatio); papa Paulus VI (Mense Maio) et ita porro.

Festum Rosarii

Die 7 Octobris 1571 classis civitatum Catholicarum Ioanne Austriaco duce classem Ottomanicam proelio Lepanthino devicit. Victoria rosario, quod ante proelium tota Europa pro victoria recitabatur, attributum est. Inde Gregorius XIII papa anno 1573 festum rosarii in honorem Sanctae Mariae de Victoria condidit et in calendarium Romanae Ecclesiae inseruit. Turcis die 5 Augusti 1716 apud Petervaradinum ab Eugenio Francisco, principe Sabaudiensi superatis Clemens XI papa festum tota ecclesia prima dominica Octobris celebrari iussit. Pius X papa festa Sanctae Mariae de Victora et Beatae Mariae Virginis a Rosario coniunxit atque in diem 7 Octobris collocavit.

Anno 1884, Leo XIII papa Octobrem mensem omnem Sancto Rosario dicavit.

Mysteria Rosarii

Viginti sunt praecipua mysteria rosarii, de quibus recolitur dum rosarium recitatur, quae in quatuor divisiones separantur. De quinque quibusque mysteriis recolitur dum orbis Rosarii percurritur, quod quadruplum fit.

Mysteria Gaudiosa

Mysteria Gaudiosa eventa ad nativitatem Iesu pertinentia commemorant.

Annuntiatio Gabrielis Archangeli ad Beatam Mariam Virginem
Visitatio Beatae Mariae Virginis ad Elisabeth
Nativitas Domini Nostri Iesu Christi
Presentatio Iesu Infantis in templo
Inventio Iesu in templo

Mysteria Luminosa

Praescriptis mysteriis quasi canonicis reputandis, et alia quinque interdum adiciuntur:

Baptisma in flumine Iordano
Revelatio sui ipsius ad nuptias Cananenses
Regni Dei proclamatio simul cum invitatio ad conversionem
Transfiguratio
Eucharistiae institutio

Mysteria Dolorosa

Mysteria Dolorosa eventa ad passionem Iesu pertinentia commemorant.

Agonia Dominus Nostris Iesu in horto Gethsemani
Flagellatio Dominus Nostris Iesu Christie
Coronatio Spinis Dominus Nostris Iesu Christie
Portatio crucis sua Dominus Nostris Iesu Christie
Crucifixio et mortus Dominis Nostris Iesu Christie

Mysteria Gloriosa

Mysteria Gloriosa eventa ad resurrectionem Iesu pertinentia commemorant.

Resurrectio Iesu
Eius in caelum ascensio
Descensio Sancti Spiritus super Mariam et Apostolos
Assumptio Beatae Mariae Virginis in caelum
Coronatio Beatae Mariae Virginis in reginam caeli

Recitatio Rosarii

Orationes Rosarii ita dicuntur, saepe, tamen, cum variationibus:

Signum Crucis
Symbolum Apostolorum (manus ad crucifixum)
Pater Noster (ad nodum maiorem)
Tres Ave Maria (ad nodos minores) pro fide, spe, et caritate
Gloria Patri
Primum Mysterium nuntiatur
Pater Noster (ad nodum maiorem)
Decem Ave Maria (ad nodos minores) - et primum mysterium recolitur
Gloria Patri
Secundum Mysterium nuntiatur
Pater Noster (ad nodum maiorem)
Decem Ave Maria (ad nodos minores) - et secundum mysterium recolitur
Gloria Patri
Tertium Mysterium nuntiatur
Pater Noster (ad nodum maiorem)
Decem Ave Maria (ad nodos minores) - et tertium mysterium recolitur
Gloria Patri
Quartum Mysterium nuntiatur
Pater Noster (ad nodum maiorem)
Decem Ave Maria (ad nodos minores) - et quartum mysterium recolitur
Gloria Patri
Quintum Mysterium nuntiatur
Pater Noster (ad nodum maiorem)
Decem Ave Maria (ad nodos minores) - et quintum mysterium recolitur
Salve Regina
Oratio ad Finem Rosarii Dicenda
Laudetur Iesus Christus
Signum Crucis

Varia recitatio

Recitatio romana, post "Signum Crucis", dicitur:

V. Domine, labia mea aperies.
R. Et os meum annuntiabit laudem tuam.
V. Deus in adiutorium meum intende.
R. Domine ad adiuvandum me festina.

In terris linguae Lusitanae post "Gloriam Patri", dicitur oratio parva (iaculatoria):

O Mi Iesu, dimitte nobis debita nostra, libera nos ab igne inferni, conduc in caelum omnes animas, praesertim illas quae maxime indigent misericordia tua.

In terris linguae Lusitana ante "Salve Regina" dicitur:

Gratias infinitas agimus tibi, Summa Regina, propter beneficios de manu tua quotidie accipimus. Digneris, nunc et semper, sub tuum praesidium suscipire nos. Et ex vi orationis nostrae, salutamus te.

In locis quibusdam, in fine, dicitur:

Litaniae Lauretanae.

Cum praelibata recitatio ex usibus Fratrum Praedicatorum (seu Dominicanorum) originem ducere videatur, alius est etiam modus Rosarium recitandi, qui "Seraphicum Rosarium" sive "Corona Franciscana" dicitur, apud ordinem Franciscanorum fautoresque eorum usitatus.

Consistit ex septuplici recitatione denarum orationum "Ave Maria" dum de septem mysteria mariana fit meditatio, scilicet:

1. de Annuntiatione angelica;

2. de Visitatione ad Elisabeth;

3. de Nativitate Domini Nostri;

4. de Adoratione magorum;

5. de Inventione Pueri Iesu in templo;

6. de Resurrectione Christi;

7. de Assumptione beatae Virginis.

Recitationem huiusmodi variis indulgentiis remunerandam esse decrevit Pius Papa X anno 1905.

Aliae Orationes ad Finem Rosarii Dicenda

1. Oratio Sancti Ioseph: Ad te, beate Ioseph, in tribulatione nostra confugimus, atque, implorato Sponsae tuae sanctissimae auxilio, patrocinium quoque tuum fidenter exposcimus. Per eam, quaesumus, quae te cum immaculata Virgine Dei Genetrice coniunxit, caritatem, perque paternum, quo Puerum Iesum amplexus es, amorem, supplices deprecamur, ut ad hereditatem, quam Iesus Christus acquisivit Sanguine suo, benignus respicias, ac necessitatibus nostris tua virtute et ope succurras. Tuere, o Custos providentissime divinae Familiae, Iesu Christi subolem electam; prohibe a nobis, amantissime Pater, omnem errorum ac corruptelarum luem; propitius nobis, sospitator noster fortissime, in hoc cum potestate tenebrarum certamine e caelo adesto; et sicut olim Puerum Iesum e summo eripuisti vitae discrimine, ita nunc Ecclesiam sanctam Dei ab hostilibus insidiis atque ab omni adversitate defende: nosque singulos perpetuo tege patrocinio, ut ad tui exemplar et ope tua suffulti, sancte vivere, pie emori, sempiternamque in caelis beatitudinem assequi possimus. Amen.

Oratio Sancti Michaelis: Sancte Michael Archangele, defende nos in praelio; contra nequitiam et insidias Diaboli esto praesidium. Imperet illi Deus, supplices deprecamur: tuque, Princeps militiae caelestis, Satanam aliosque spiritus malignos, qui ad perditionem animarum pervagantur in mundo, divina virtute in infernum detrude. Amen.

Nexus externi

Rosary Army, organizatio ad faciendum rosarium
Rosarium on line
Disquisitio de origine Rosarii in The Catholic Encyclopedia: an international work of reference (Novi Eboraci: Appleton, 1907–1914) (Anglice)

Hymni et preces Christianae

Adeste Fideles · Adoro te devote · Ad regias Agni dapes · Aeterne Rex Altissime · Agnus Dei · Alma nox · Alma Redemptoris Mater · Alto ex Olympi vertice · Amazing Grace · Angele Dei · Angelus Domini · Anima christi · A solis ortus cardine · Audi benigne Conditor · Aurora, solis nuntia · Ave Maria · Ave maris stella · Ave Regina Coelorum · Ave verum corpus · Beata nobis gaudia · Beate Pastor Petre · Benedictus · Benedictus es Domine Deus · Caelestis agni · Caelestis aulae nuntius · Caelestis urbs Jerusalem · Caelitum Joseph decus · Christe sanctorum · Confiteor · Cor arca · Conditor alme siderum · Credo · Crudeles Herodes Deum · Custodes · Decora lux aeternitatis · Deus tuorum militum · Domare cordis impetus · Genuit puerpera regem · Gloria in excelsis · Gloria Patri · Kyrie · Lauda Sion · Litaniae Lauretanae · Litaniae Sanctorum · Litaniae Iesu Christi Sacerdotis et Victimae · Magnificat · Memorare · Nunc dimittis · Nunc Sancte nobis Spiritus · O Sanctissima · Pange Lingua · Pater noster · Quem pastores laudavere · Regina Caeli · Requiem · Salve Regina · Sanctus · Signore delle cime · Signum Crucis · Stabat Mater · Sub tuum praesidium · Symbolum Apostolorum · Symbolum Nicaenum Constantinopolitanum · Symbolum Quicumque · Tantum ergo · Te Deum · Tota Pulchra Es · Veni Creator Spiritus · Veni Redemptor Gentium · Veni Sancte Spiritus · Vexilla Regis
Ordines orationum
Rosarium