Tymus[1] (Russice Тым, Selcupice Ӄа́лӷы) est flumen in regione Tomensi Russiae. In paludibus planitiei Sibiricae Occidentalis prope ad divortium aquarum Obii et Ieniseae oritur, circiter 950 chm patet et in Obium flumen a dextra parte prope Ostium Tymi (Ust'-Tym) vicum effunditur. Glacie a mense Octobri vel Novembri usque ad Aprilem vel Maium constrictus est; navigabilis per 560 chm ab ostio. Ad ligna demittenda flumine secundo usurpatur, quamvis maeandros et bracchia caeca (quae dialecto locali accae nominantur) innumera per omnem fluxum facit.
