Alhambra

La Alhambra es un palasio e fortres locada en Granada, Andalusia, Espania. Lo ia es construida como un fortres peti en 889 sur la restas de un fortres roman, e ia es iniorada asta cuando sua ruinas ia es renovida e reconstruida en la media de la sentenio 13 par la amir moro Mohammed ben Al-Ahmar de la Amiria de Granada, ci ia construi sua palasio e murones corente. Lo ia es convertida a un palasio real par Yusuf 1, sultan de Granada. Pos la fini de la Reconcista cristian en 1492, la loca ia deveni la corte real de Fernando e Isabel, e la palasios ia es partal cambiada seguente referes de la Renase. En 1526 Carlo 1 ia comanda un palasio de la Renase, cual no ia es finida par causa de la rebela de la moriscos en Granada.

La flori tarda de palasios muslim de la Alhambra ia es construida per la amires muslim ultima en Espania en la declina de la dinastia Nasri ci ia es sujetos de la res cristian de Castelia. A pos es nonreparada per multe sentenios, la construidas ocupada par ocupores nonlegal, la Alhambra ia es redescovreda a pos la defeta de Napoleon, ci ia destrui partal la loca. La redescovredas ia es fada par la erudita brites e otra viajores romantica de Europa norde. Lo es un de la atrae per turistes xef de Espania, esibinte la arciteta muslim plu conoseda e plu importante de la pais, junta a la construida cristian tarda de la sentenio 16. Lo es un Loca de Erita Mundal de la UNESCO e un inspira per multe cantas e naras.