Damas

Table de damas a la inisia de la jua

Damas es un jua stratejial sur un table de cuadros, entre du juores ci alterna en move un calculo (peso) en dirije diagonal. Cada juor ave calculos de un color, blanca o negra, e con estas el atenta prende los de sua competor par salta supra los. La calculos supra cual on salta es sutraeda de la table.

Si un juor pote prende calculos, el debe. Donce, un competor intelijente pote furni un calculo prendable per crea un situa en cual sua competor, pos prende la calculo, va perde plu calculos cual el ia prende.

Si un calculo ateni la cuadros la plu distante, lo deveni un dama. La dama pote move como la bispo en xace: tra multe cuadros diagonal si on desira. Lo pote prende ance otra calculos en esta modo.

La table orijinal de damas (nomida draughts en engles) ave dimensiones de 10×10 cuadros, ma la varia engles (English draughts o American checkers) ave dimensiones de 8×8 cuadretas. En damas engles, la dama move como un calculo comun, ma pote move e prende a retro ance.

Multe otra varias de damas esiste, relatada con nasiones diversa.