Valencia (otonoom regio)

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Regio van Spanje Valencia
Hoofplaats	Valencia
Opperflaakde	23.255 km²
Inwoeners – Deechde	4.980.689 (2011) 210/km²
President	Ximo Puig
Vouksleed	Himne de València
Taole	Valenciaons, Spaons
ISO 3166-2	ES-VC
Website	www.gva.es

Valencia (Valenciaons: Comunitat Valenciana, Spaons: Comunidad Valenciana) is ein vaan de otonoom regio's vaan Spanje. De hoofstad is 't gelieknaomege Valencia. In 't noordooste grens de regio aon Catalonië, in 't noordweste aon Aragón, in 't weste aon Castilië-La Mancha en in 't zuie aon Murcia. De regio heet 'n zier lange köslijn aon de Middellandse Zie. D'n invlood vaan de zie zörg veur 'n mild klimaat. Door de lang strande en väöl zon weurt de regio jaorleks door väöl toeriste bezeuk.

Bestuurleke indeiling

De regio Valencia is oonderverdeild in drei provincies (getalle oet 2012-2015):

Provincie	Inwoenertal	Hoofstad	Inwoenertal
Alicante	1.945.642	Alicante	328.648
Castellón	587.508	Castellón de la Plana	171.669
Valencia	2.566.474	Valencia	797.028
Totaal	5.099.624

Taol

Spaons is officieel taol in de regio, mer ouch Valenciaons heet 'ne officiele status. Allewel Valenciaons geneump weurt 't door taolkundege gezeen es dezelfde taol es Catalaons, mèt klein regionaol versjèlle.