Putten

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Putten in Gelderland

Putten is e groet dörp en 'n gemeinte in de Nederlandse provincie Gelderland, op de Veluwe, mèt 'n oppervlak vaan 87,45 km² (daovaan 2,42 km² water) en (per 1 januari 2007) 23.024 inwoeners. Binne de gemeintegrenze ligke gein echte ander kerne, meh Putten heet wel e good bevolk boetegebeed, wat besteit oet de naobersjappe Bijsteren, Diermen, Gerven, Halvinkhuizen, Hell, Hoef, Huinen, Koudhoorn, Krachtighuizen, Steenenkamer en Veenhuizerveld.

In de directe umgeving ligk väöl bosgebeed. Heidoor is 't toerisme 'ne belangrieke brón vaan inkómste.

Historie

Putten weurt in 855 veur 't iers geneump, es Puthem. De dörpskern oontsteit op de plaots boe de kèrk gestiech weurt, midde tösse de väöl naobersjappe. De landerije zien 't bezit vaan de kloesters Abdinckhof, Elten en Werden. Aon 't ind vaan de zestiende iew trejt hei de reformatie in; Putten zal vaan e katholiek 'n orthodox protestants dörp weure. In 1944 veurt de SS in Putten 'n razzia oet. Nao d'n oorlog blijf Putten e boeredörp, al weurt 't toerisme ummer belangrieker.

Gebore in Putten

• Aart Mostert, politicus (CDA)

Externe link

• Website vaan de gemeinte