Sima Qian

ZE-P	Sta paggina chie a l'è scrita in zeneize, co' ina grafia tipo quella do Prian do 1745

Sima Qian, ò Ssu-ma chen ò Ssi-ma chen (145 a.C. circa – 86 a.C. ca.), o l'è stæto un storico cineize.

Vìtta

O fu un di ciu gren storichi da Ciña antiga; o l'ereditò da-o poæ Sima Tan a càrega de Grande Astronomo presso a corte de Wu de (140 - 87 a.C.), o ciu importante imperatô da dinastia Han. Into 99 a.C. o fu condannao a l'eviraçion pe avei piggiao e difeise do generâ Li Ling, ch'o l'ea cheito in desgraçia, ma o sorvevisse a-a vergœugna pe portâ a terme a primma grande œuvia storiografica cineize, o Shiji (Memoie Storiche), basâ in sce varie fonte che ean stæte precedentemente arecugeite durante nomioxi peregrinaggi pe tutta a Ciña.

O Shi Ji o tratta da stoia da Ciña da-i primordi scin a-a cheita da dinastia Qin. O fu preiso comme modello pe tutte e Stoie Dinasteghe redæte da-e dinastie succescive e o constituisce una vivagna storica de valô incalcolabile.

Colegaménti esterni

Altri progetti

• Wikimedia Commons

• Wikimedia Commons a contêgne di files in sce Sima Qian