Pader Noster

Quest articol chì l'è scrivud in lombard, con la Noeuva Ortografia Lombarda

Quell articol chì l'è domà un sbozz. Se violter sii bon de metegh dent un quaicoss pussee, preocupeves minga e provegh. Inscì de havégh un'ideja de tucc i alter sbozz, vardee chinscì.

El Pader Noster (in latin Pater Noster, in grech Πάτερ ἡμῶν), ciamad anca orazzion del Signor, a l'è 'n orazzion cristiana, la pussee cognossuda e representativa de la religion, che l'è dada del Gesù midem in di Vangeli, quand che i so apostoi ghe domanden la manera de orà el Signor. La se troeuva in d'una version pussee curta in Luca 11,1, indova che i dissepoi ghe domanden de dàgh un'orazzion compagn de quell che l'haveva fad el Giovann Batista, e in quella che l'è dida de solit in Matee 6,9-13, part del descor de la Montagna.

La gh'ha di comunanze con l'orazzion ebraica del Kaddish.

Version lombarde

Vangeli in milanes (1859)

Version ciapada del Vangeli de Matee voltad in milanes de l'Antoni Picozz:

Pader noster, che te see in ciel:
che sia santificaa el tò nomm.
Che vegna el tò regno. Che sia pur faa quell,
che te vœut tì, tant in ciel, come in terra.
Dann incœu el noster pan tant de stà in pee.
E perdonem i noster debit, istess come nun
ghe perdonem a quij tai, che ne dev quajcoss.
E metten minga in brusa de fà peccaa.
Ma tegnen a la larga del maa. E che la sia insci.

Vangeli in bergamasch (1860)

Version ciapada del Vangeli de Matee voltad in bergamasch del Pasin Locadell:

O nost Pader, che te sé sö in siel:
al sies santificat ol tò nom.
Al vegne ol to regn. Al sies fac la tò olontà,
come in siel, cosé ach in tera.
Dam incö ol nost pa per sostegnes.
E dunem i nos’c debec,
come noter am ghi duna ai nos’c debitur.
E fam miga borlà in di tentasiù.
Ma liberem del mal, e cosé sea.

Gesa del Pater Noster

Orazzion del Signor in milanes mituda a la Gesa del Pater Noster a Gerusalem in del 1937:

Pader nòster, che te seet in ciel,
sia santificaa el tò nòmm;
vegna el tò regn, sia fada la toa volontà,
come in ciel anca in terra.
Damm incoeu el nòster pan d'ògni dì
e rimèttom i nòster dèbit
come numm je rimèttom
ai nòster debitor
e tirom nò in tentazion,
ma liberom del mal.
Amen.

Riferiment

Alter proget

Wikisource el gh'ha dent una pagina dedicada a Pader Noster
Wikiquote el gh'ha dent citazzion de o su Pader Noster
Wikimedia Commons el gh'ha dent imagin o alter archivi su Pader Noster

Vos corelade