Stazion ferroviaria

Quest articol chì l'è scrivuu in lombard, grafia milanesa.

Stazion ferroviaria.

Ona stazion ferroviaria a l'è el pòst inindove i passegger pòden saltà-su e andà-giò dal treni e/o i mercanzij a pòden vess caregaa putost che descaregaa.

I primm stazion a eren costruii per gestì passegger e mercanzi insemma. Al dì d'incoeu, i mercanzij a hinn de solet caregaa in grand stazion costruii aposta. I stazion se troeuven visin o a la fin d'ona linia ferroviaria. De solet a gh'hinn di banchin da indove i passegger pòden andà-sù o vegnì-foeura dal treno in manera fazil e segur. Tant stazion gh'hann tant ròbb comè i ripar per la piòva, cassetta di biliett e panchin.

La stazion pussee afollada del mond a l'è la stazion de Shinjuku de Tokio, Giappon. La pussee granda stazion a l'è la stazion de Nagoya a Nagoya, semper in Giappon. La pussee afollada stazion in Europa a l'è Clapham Junction a Londra, indove in di or de ponta, a gh'è on tren ògni tredes segond, menter la pussee afollada in Lombardia a l'è la stazion Central de Milan.

Different tip di stazion ferroviari

• 
  Stazion de Luxulyan in Cornovaja, ona stazion ferroviaria normala. I treni se ferman chì domà a ricesta. La gent che la voeur vegnì-giò dal tren le gh'ha de dighel al personal che 'l laura in sul tren. La stazion a l'è doperada domà da circa 1.000 personn a l'agn.
• 
  Stazion capp-linia (ne la foto gh'è la stazion de Milan Cadorna). I treni che gh'hann de andà atravers (e donca finissen minga lì) gh'hann de cambià direzion dent la stazion. Tutavia, la gent chì la pò caminà da ona banchina a l'alter senza dovè traversà i binari.
• 
  Shinjuku a l'è ona di pussee afollaa del mond. La se troeuva in Tokio. De media, tucc i dì, 3,6 milion de gent la dopera.
• 
  Binari a la stazion de Affer, Affer, Milan.
• 
  Stazion de mercanzia.

Servizzi che se troeuven denter la stazion

I stazion ferroviari pòden avegh e la cassetta di biliett putòst che la machinetta di biliett. Tant stazion a gh'hann anca negozzi putost che 'l giornalee.

I stazion pussee grand gh'hann de spess anca restorant o restorant de fast-food. In on quaj paes a gh'hinn stazion che gh'hann anca chisebev putost che ostarii. Alter ròbb che se pòden trovà in di stazion a hinn: bagn, locaj de depòset bagaj, ofizzi ogett smarrii, tabella di orari, carrej, sal d'attesa, parchegg di tasì e fermaa di corrier.