Vita

Quest articol chì l'è scrivud in lombard, con la Noeuva Ortografia Lombarda

Una fomna la spassesgia ind un sgiardin pien de vita

La vita (o, ariosament, vida) l’è el temp che passa intra el nassiment e la mort de un organisem. L’è de consideràss coma materia che l’insubiss dei aspet partigolar, compagn del cressiment, metabolisem, transformazzion e reproduzzion. Tamen, ancaben che el saja bellfà spartì la materia morta de quella viva per i zienziad e tenegh, l’è defizzil dà una defenizzion de vita che la vaga semper ben, e, donca, a ghe n’è un frach. Quelle pussee popolare i inn i defenizzion fisiologeghe, per i quai la vita la ven defenida coma ogna sistema che l’è bon de majà, fà fœura fescia, metabolizà, respirà, mœuves, cresser e reprodùss.

La vita in su la Terra l’è impientada in su carbon e aigua, e a gh’è million de diferente specie de vita intra bes’ce e piante, fonsg e bateri. L’unitaa minema de vita a l’è la zellula, e un organisem compagn de l’hom el pœul havéghen anca di trillion.

L’istudi de la vita el se ciama “biologia”, una grossa branca de la cognossenza che la tœu denter un monton de dissipline diferente.

Ligam de denter

• Biologia

Ligam de fœura

Altri progetti

• Wikiquote
• Wikimedia Commons

• Wikiquote el gh'ha dent citazzion de o su vita
• Wikimedia Commons el gh'ha dent imagin o alter archivi su vita