Wikipedia:Padoman gaya

Padoman gaya
Ijoan jo kato Kasalahan ijo nan umum Huruf kapital Tando baco Tangga jo angko Singkatan jo akronim Tata latak
Padoman panamoan
Kategori Organisme Karya Tokoh Ilmu dan teknologi Organisasi Lokasi geografis Kapitalisasi
Panyerapan
Panyerapan istilah Aliah aksara Arab ka Latin Aliah aksara Hangul ka Latin Aliah aksara Sirilik ka Latin
Topik
Padoman panajamahan Islam

Padoman gaya ko batujuan untuak mampamudah mambaco sarato mangikuti suatu caro panulisan nan konsisten. Aturan-aturan barikuik indaklah marupokan harago mati untuak gaya panulisan Wikipedia. Suatu caro acokali samo baiaknyo jo caro lain, tapi kok sadoalah urang mangikuti gaya atau langgam nan samo, Wikipedia ka labiah nyaman dibaco, digunokan, jo disimpulkan. Salain itu tantu manjadi labiah mudah ditulih jo disuntiang.

Tulisan nan lugas, informatif, jo objektif salalu jauah labiah pantiang daripado tampilan. Wikipedia indak mawajibkan sadoalah panulih mangikuti sadoalah atau salah satu dari aturan-aturan nan ado di siko, tapi upayonyo labiah diharagoi kok inyo mancubo mangikutinyo. Salah satu kasanangan dalam manyuntiang wiki adolah baso Wikipedia indak paralu samparono.

Prinsip umum

Konsistensi internal

Salah satu prinsip umum dalam panulisan di Wikipedia iolah baso gaya jo format panulisan harus konsisten atau taaik asas sapanjang sabuah artikel walaupun indak musti samo di saluruah Wikipedia. Taaik kapado asas di dalam artikel mandukuang kajalehan jo kohesi tulisan. Dek karano itu, walaupun Padoman Gaya mangijinkan panggunoan alternatif untuak unsua tatantu, tetaplah konsisten di sapanjang artikel.

Ikuik sumbernyo

Banyak caro panulisan, misalnyo caro panulisan namo, dapek dipastikan jo mangacu caro panulisan nan dilakukan panulih lain. Ikuti caro panulisan dari sumber sekunder babahaso Indonesia/Minangkabau/Malayu nan tapicayo. Kok sumber nan manjadi acuan tabukti indak manggunokan bahaso Indonesia/Minangkabau/Malayu nan baiak jo bana, jan ikuti—sarato cari sumber-sumber acuan lain.

Kajalehan

Panulisan dalam Wikipedia harus jaleh jo ringkeh. Artikel dalam Wikipedia sapatuiknyo dimukasuikan untuak magiah tau pambaco kapado topik nan dibahas atau manjadi sarana untuak mangingek baliak dan indak dimukasuikkan untuak mambinguangan pambaco. Hindari jargon, frasa-frasa nan indak jaleh, jo hal rumik nan saBayangyo indak diparalukan.

Judul artikel

Kok mamungkinkan, jadikanlah judul artikel sabagai subjek pado kalimaik partamo dalam artikel, dan indak predikat; sainggo baitu, judul artikel diupayokan untuak nampak pado kalimaik pambukoan di awa artikel; atau jo kato lain sabisa mungkin posisinyo ado pado kalimaik partamo, paragraf partamo, dalam artikel. Sabagai contoh, kalimaik "Indonesia adolah nagara kapulauan..." labiah dipiliah daripado kalimaik "Nagara kapulauan nan tanamo jo namo Indonesia..." sabagai kalimaik pambuka dalam artikel tantang Indonesia.

Wakatu partamo kali judul dicantumkan dalam badan artikel, gunokan tigo tando patiak – '''judul artikel''' nan ka mangasiakan judul artikel. Contoh: "Indonesia adolah nagara kapulauan tagadang di dunia". Kok suatu artikel mampunyoi judul(-judul) alternatif, judul tasabuik sabaiaknyo juo ditabakan, contohnyo: "Amerika Sarikaik (disingkek A.S.)...". Salain digunokan untuak kaparaluan tasabuik, frase lain pado kalimaik atau paragraf partamo sabaiaknyo indak ditabakan.

Panulisan judul dalam bahaso asiang, sarupo judul karya (buku, film, album, lagu, dll), sabaiaknyo dipajaleh jo pambarian format tulisan miriang salain ditabakan, nan mano caronyo adolah jo manggunokan limo tando patiak tungga – '''''judul film''''' untuak mangasiakan tampilan barikuik: judul film.

Judul bagian

caliak pula: Bantuan:Bagian.

Markah

Gunokan == (duo tando samo dengan) untuak kapalo atau judul bagian, dan jan ''' (tigo tando kutip) untuak mambuek, mamformat kato-kato manjadi bahuruf taba. Mulokanlah jo ==, tambahkan judul bagian, dan akhiri jo ==.

Judul bagian ko dibuek jo markah:

== Judul bagian ==

Judul subbagian ko dibuek jo markah:

=== Markah ===

Pamiliahan kato

• Pado judul, hanyo huruf partamo dari kato partamo dan huruf partamo kato benda khusus (proper noun) nan dikapitalisasi, dan siso huruf lainnyo dalam bantuak huruf ketek. Contoh: "Kabijkan jo padoman" indak "Kebijakan jo Padoman".
• Hindari karakter istimewa pado judul, sarupo tando dan ( & ), tando tambuah ( + ), kuruang kurawa ( { ), atau kuruang siku ( [ ). Untuak manggantikan tando '&,' gunokan kato dan kacuali kok tando tasabuik marupokan bagian dari namo formal.
• Hindari maagiah pautan pado judul; sabaliaknyo, cubolah untuak maagiah pautan pado kamunculan partamo kato tasabuik pado bagian teks.
• Gunokan judul ringkeh: judul nan mamiliki labiah dari sapuluah kato dapek mangilangkan mukasuiknyo.
• Hindari pangulangan jo kato-kato nan indak diparlukan, sarupo artikel (suatu, sabuah), kato ganti, sarato pangulangan judul artikel.
• Jan maagiah judul nan identik untuak bagian nan babeda. Hal ko ka mambinguangkan pambaco, dan ka manyulikan panulis lain untuak mambuek pautan ka bagian-bagian tasabuik, kacuali ka bagian partamo.

Pangalolaan bagian

Subbagian mambantu pambaco untuak mandapekan tinjauan artikel jo manamukan subtopik nan ditujunyo. Bueklah subbagian jikok suatu bagian alah talampau panjang, dan gunokan judul nan tapek untuak manyampaikan mukasuik Sanak.

• Sabisa mungkin jan acok mangganti bagian jo subbagian. Artikel lain mungkin mamiliki pautan ka suatu bagian tatantu. Panggantian ko ka mangacaukan pautan bagian tasabuik.
• Kok Sanak mambuek pautan ka suatu bagian, tinggakan catatan untuak mangingekan urang lain baso judul bagian tasabuik tapauik dari artikel lain. Agiah namo artikel nan tahubuangkan sainggo kok paralu diubah, urang lain dapek labiah mudah mambantu mameloki pautan tasabuik. Sabagai contoh: <!-- Bagian ko tahubuang dari [[Wikipedia:Kebijakan jo padoman]] dan [[Bantuan:Isi]] -->.
• Kok Sanak marujuak pado suatu bagian tanpa maagiah pautan, miriangkan namo bagian tasabuik. Sabagai contoh, paragraf ko adolah bagian dari Pangalolaan bagian.
• Kok Sanak mambuek pautan ka suatu bagian, jan mamiriangkan namo bagian tasabuik, kacuali kok diharuskan (misalnyo, judul buku). Mambuek pautan ka suatu istilah alah cukuik maagiah indikasi baso itu adolah suatu istilah, nan juo marupokan tujuan panggunoan huruf miriang.
• Kok Sanak mangganti judul suatu bagian, Sanak mungkin dapek mamareso pautan patah. Contohnyo, malalui google.com Sanak dapek mencari wikipedia "pangelolaan bagian" dan mamiliki kamungkinan untuak manamukan laman nan mamiliki pautan ka bagian ko.

Huruf kapital

Kapitalisasi awa jo kapitalisasi saluruah huruf jan digunokan untuak panakanan, sabagai contoh, “buruang, nan indak Identik jo unggeh” dan “buruang, nan indak IDENTIK jo unggeh” kaduonyo indak tapek. kok kato-kato indak dapek maagiah panakanan, gunokan cetak miriang, contohnyo “buruang, nan indak identik jo unggeh”.

Gala

Gala sarupo presiden, raja, atau kaisar diawali jo huruf kapital kok digunokan sabagai gala (nan diikuti jo namo): “Presiden Soekarno”, indak “presiden Soekarno”. kok digunokan sacaro generik, kato tasabuik harus dalam bantuak huruf ketek: “De Gaulle adolah presiden Prancis”.

Dalam bahaso Inggris, dikenal bantuak formal namo nan dipalakukan sabagai kato benda khusus nan musti dikapitalisasi, contohnyo: “Louis XVI was the French king” dan “Louis XVI was King of France”. Bantuak kaduo adolah suatu namo formal nan harus dikapitalisasi sasuai asanyo. Dalam bahaso Minangkabau kaduonyo ditarjemahkan samo: “rajo Prancis” sainggo aturan kapitalisasinyo disarahan pado konteks panggunoan. Gala kabangsawanan sarupo “nan Mulia” atau “Putra Mahkota” harus dikapitalisasi.

Dalam kasus “pardano mantari”, piliahannyo adolah kaduo kato dimulokan jo huruf kapital atau indak samo sekali, kacuali kok mamuloi suatu kalimaik. Aturannyo mangikuik aturan umum kapitalisasi gala: tanpa kapitalisasi kok digunokan generik dan jo kapitalisasi kok digunokan sabagai gala. Contoh: “ado banyak pardano mantari di dunia” dan “Pardano Mantari Baritania Rayo adolah Tony Blair”.

Agamo, katuhanan, filsafaik, doktrin, jo panganuiknyo

Namo agamo, baiak sabagai kato benda maupun kato sifaik, sarato panganuiknyo dimulokan jo huruf kapital. Tuhan atau dewa dimuloi jo huruf kapital: Tuhan, Allah, Mesias. ko juo diterapkan wakatu marujuak pado tokoh agamo pantiang, sarupo Muhammad, jo manggunokan istilah sarupo sang Rasul.

Namo mukaluak mitologi sarupo peri jo jin indak dikapitalisasi. Pangacualiannyo adolah untuak karya-karya fantasi, sarupo karya J. R. R. Tolkien, nan manggunokan kapitalisasi awa sabagai indikasi baso kategori makhluk mitologi nan babeda dipalakukan sabagai etnisitas atau ras.

Filsafaik, teori, doktrin, jo sistem pamikiran indak diawali jo huruf kapital, kacuali kok namo tasabuik diturunkan dari kato benda khusus: huruf ketek republikan marujuak pado sistem pamikiran politik; huruf gadang Republikan marujuak pado Partai Republik tatantu (tiok namo partai adolah kato benda khusus).

Kalender

Namo bulan, hari, jo hari gadang salalu diawali jo huruf kapital: Juni, Senin, Hari Kamardekaan Republik Indonesia.

Namo musim, dalam hampia sadoalah kasus, salalu manggunokan huruf ketek: “musim paneh ko amaik paneh” dan “puncak musim dingin tajadi pado 22 Desember”. Gunokan huruf kapital kok marupokan personifikasi, sainggo manjadi kato benda khusus.

Tangga umumnyo diikuti dek koma: “pado tahun 2001, Budi manikah”, “pado 10 April, ambo ka manikah”. Suatu pangacualian adolah kok inyo digunokan untuak mamodifikasi istilah lain: “Edisi 1993 manganduang babarapo kasalahan”.

Binatang, tumbuhan, dan mukaluak hiduik lain

Namo genus dikapitalisasi, tapi namo spesies indak. Kaduonyo juo harus dicetak miriang. Contohnyo, bungo tulip adolah Liriodendron tulipifera.

Padebaikan apokoh namo umum spesies musti diawali jo huruf kapital atau indak, alun mancapai kato supakaik. sabagai jalan tangah, kaduonyo ditarimo, tapi musti dibuekan pangaliahan dari bantuak alternatifnyo.

Benda langik

Namo planet dan bintang adolah kato benda khusus dan dimuloi jo huruf kapital: “Malam ko planet Mars dapek nampak di konstelasi Gemko, di dakek bintang Pollux”.

Kato matoari, bumi, jo bulan adolah kato benda khusus kok kalimaik manggunokan inyo dalam konteks astronomi, tapi indak untuak nan lainnya. Hal tasabuik hanyo diterapkan kok marujuak pado benda langik spesifik (Matoari, Bumi, jo Bulan kito): jadi “Bulan mangorbit Bumi”; tapi indak “Charon, bulan Pluto”.

Daerah jo arah

Daerah nan marupokan kato benda khusus, tamasuak istilah-istilah spesifik nan dikana laweh, dimuloi jo huruf kapital.

Arah (utara, barat laut, dll.) indaklah kato benda khusus dan indak dimuloi jo huruf kapital. Baitu juo untuak bantuak turunannyo.

Kok Sanak indak yakin baso suatu daerah alah mandapekkan status kato benda khusus, anggaplah indak.

Institusi

Namo suatu institusi spesifik (contohnyo, Universitas Indonesia, Rumah Sakik Dr. Cipto Mangunkusumo, dll) adolah kato benda khusus dan musti dikapitalisasi.

Namun, kato untuak tipe institusi (universitas, rumah sakit, sikolah dasa, dll) indak mambutuahan kapitalisasi kok indak digunokan sabagai namo:

indak tapek:

... Universitas itu mamiliki program studi seni jo ilimu ...

tapek:

... Universitas Indonesia mamiliki program studi ...

Cetak miriang

Cetak miriang utamonyo digunokan untuak maagiah panakanan pado kato-kato tertentu, walaupun panggunoannyo musti barati-ati.

Gunokan markah cetak miriang '', contoh:

''Teks cetak miriang.''

nan mangasiakan:

Teks cetak miriang.

Cetak miriang juo dapek digunokan untuak babarapo hal lainnyo:

Judul

Cetak miriang digunokan untuak judul karya sastra dan seni. Judul artikel, bab, atau karya pendek lainnnyo indak diagiah cetak miriang, malainkan diapik dek tando kutip gando.

Kato sabagai kato

Gunokan cetak miriang kok manulih takaik kato sabagai kato atau huruf sabagai huruf untuak manunjuakan pabedaan panggunoannya. Contoh kalimaik:

• Dwi bararti duo.
• Kato sastra diturunkan dari kato bahaso Sansekerta.
• Huruf paliang acok digunokan dalam bahaso Inggirih adolah e.

Istilah asiang

Gunokan cetak miriang untuak frasa dalam bahaso lain dan untuak kato bahaso asiang nan alun digunokan sacaro umum dalam bahaso Minangkabau. Gunokan panyerapan ijoan untuak kato-kato tasabuik, atau gunokan ijoan asali kok inyo manggunokan alfabet Latin (jo atau tanpa diakritik). Sabagai contoh:“baco tulih dalam bahaso Japang mambutuahan pamahaman takaik hiragana, katakana, kanji, jo kadang rōmaji”.

Kato serapan atau frasa nan mamiliki panggunoan umum dalam bahaso Minangkabau – contohnyo samurai, abaiak, sastra – indak mambutuahan cetak miriang. sabagai padoman, jan agiah cetak miriang untuak kato nan ado dalam kamus bahaso Minangkabau. Gunokan elok-elok bahaso asiang, dan cantumkan ijoan asali dalam alfabet non Latin dalam tando kuruang. Ijoan asali dalam skrip non Latin (sarupo aksara Yunani atau Sirilik) indak buliah dicetak miriang samo sakali, walaupun kok sacaro teknis dimungkinkan.

Cetak miriang dan kutipan

Jan mancetak miriang saluruah kutipan hanyo karano tu adolah kutipan. Patimbangkan untuak manggunokan metode lain sarupo mangapik jo tando kutip gando.

Gunokan cetak miriang di dalam kutipan kok bahan sumber malakukannyo, atau kok Sanak katuju manambahan panakanan. Pado kasus kaduo, agiah catatan "[panakanan ditambahkan]" pado bagian akhia kutipan.

Kok sumbernyo surang manggunokan cetak miriang sabagai panakanan, dan Sanak nio manakankan baso panakanan tasabuik barasa dari sumber dan indak dari Sanak, Sanak dapek manambahan "[panakanan dari sumber]" sasudah kutipan tasabuik.

Panggunoan kato jo ijoan

Hindari kato ganti urang partamo

Artikel Wikipedia indak buliah dibuek maunurik opini atau pangalaman urang tatantu. Karanonyo, “ambo”, "awak", "den", jo "denai" indak buliah digunokan kacuali kok muncua dalam kutipan. Untuak alasan nan samo, hindari panggunoan “awak”, "kami", atau “kito”. Suatu kalimaik sarupo “Kito musti mancataik baso babarapo kritik nan alah dilontarkan mandukuang proposalnyo” tadanga labiah personal dari pado ensiklopedik (lubuak aka).

Walaupun baitu, kadang labiah tapek untuak manggunokan “kito”, "awak", atau “kami” wakatu marujuak pado suatu pangalaman nan sadoalah urang, sadoalah pambaco, diarokan maalami, sarupo pangalaman umum tajadi. Sabagai contoh:

walaupun mungkin labiah baiak untuak manulih, “Katiko kabanyakan urang mambukak matonyo, inyo mancaliak sasuatu”,

masih dimungkinkan untuak manulih, “Katiko awak mambukak mato awak, awak mancaliak sasuatu”,

dan tantu labiah ancak untuak manggunokan bantuak pasif: “Katiko mato tabukak, sasuatu tanampak.”

Diizinkan pulo untuak manggunokan "kito" dalam panurunan matematis, sabagai contoh:

“untuak malakukan normalisasi fungsi galombang, kito paralu mancari nilai konstanta sumbarang A.”

Hindari kato ganti urang kaduo

Panggunoan urang kaduo, baiak tungga maupun jamak (Sanak, kamu, kalian), nan acok ambigu dan balawanan jo gaya ensiklopedia, indak dianjurkan. Sabaliaknyo, gunokan subjek dari kalimaik, sabagai contoh:

Rancak: “Katiko saurang pamain manang, pamain tasabuik mandapek Rp200.000.”

Rancak: “Pamain nan manang, ka mandapek Rp200.000.”

Buruak: “Kok Sanak manang, Sanak mandapek Rp200.000.”

padoman ko indak balaku pado teks kutipan, nan harus dikutip sabagaimano adonyo. Padoman ko juo indak balaku pado ruang namo Wikipedia do, nan manggunokan Sanak untuak marujuak pado pangguno-pangguno nan manjadi tujuan artikel-artikel tasabuik.

Kato ganti urang katigo jo honorifik

Pado bahaso Minang, bapakai kato "baliau" daripado "inyo" katiko marujuak pado sasaurang. Hal ko balaku samo ka siapopun supayo artikel nan dibuek tatok basuduik pandang netral.

Indak buliah manggunoan istilah honorifik (istilah horomaik) baiak dalam badan artikel kacuali kutipan lansuang, sainggo indak paralu mamakai kato "Pak" atau "buk" katiko marujuak pado sasaurang. Cukuik "baliau" sajo.

Sapantun jo itu, istilah-istilah nan kasa atau bakonotasi negatif paralu juo diilakan dalam panulisan artikel Wikipedia. Apobilo ado kato-kato kas nan ditamukan, dapek diganti jo kato nan labiah netral.

Kuantifikasi ukuran

Upayokan manggunokan ukuran tapek sabisa mungkin. gunokan informasi spesifik.

Buruak: “Anak gajah amaik barek.”

Rancak: “Barek rato-rato anak gajah adolah 120 kg.”

Buruak: “Prochlorococcus marinus adolah bakteri nan ketek.”

Rancak: “Bakteri Prochlorococcus marinus mamiliki ukuran malintang antaro 0,5 inggo 0,8 mikrometer.”

Gaya panulisan ilmiah

• Untuak satuan pangukuran, gunokan SI sabagai unit utamo dalam artikel ilmiah, kacuali kok ado alasan historis atau pragmatis untuak indak malakukannyo (sabagai contoh, konstanta Hubble harus dinyatokan dalam satuan umum (km/s)/Mpc dan indak satuan SI s-1 nyo). Artikel-artikel non ilmiah juo sarancaknyo manggunokan satuan ukua SI nan dianuik Indonesia.
• Panulisan koma dan titiak pado angko mangikuik sistem panulisan Indonesia, sabagai contoh 12.345.678,901 – balawanan jo gaya nan diterapkan di Wikipedia bahaso Inggirih.
• Artikel takaik zat kimia jo kimia manggunokan tata namo dari IUPAC (International Union of Pure and Applied Chemistry) sabisa mungkin.

Gambar

Padoman panggunoan gambar

Babarapo padoman umum nan harus diikuti kok indak ado hal lain nan mambatehnyo:

• Muloi artikel jo gambar rato kanan. Sacaro umum, panampekan gambar rato kanan labiah dianjurkan dari pado rato kiri atau tangah.
• Kok manggunokan babarapo gambar pado satu artikel, panampekannyo sarancaknyo disalang-saliangi antaro kanan jo kiri.
• Hindari panumpuakan teks antaro duo gambar nan saliang bahadokan kiri jo kanan.
• Kok ado talampau banyak gambar pado suatu artikel, Patimbangkan untuak manggunokan galeri.
• Jan malatakan berkas rato kiri lansuang di bawah judul bagian (===) karano hal ko ka mamisahan judul jo teks nan manyatonyo. Sabaliaknyo, latakan gambar tapek di ateh judul. Sabagai contoh, gunokan:

[[Berkas:Berkas untuak bagian 1a.jpg|bingkai|ki|]]
=== Bagian 1a ===

Paragraf partamo bagian 1a.

indak:

=== Bagian 1a ===

[[Berkas:Berkas untuak bagian 1a.jpg|bingkai|ki|]]
Paragraf partamo bagian 1a.

• Gunokan {{commons}} untuak mampauikan ka gambar-gambar lain nan tasadio di Commons kok mamungkinkan.
• Gunokan teks gambar untuak manjalehan relevansi gambar jo artikel.
• Manantukan ukuran gambar ketek (thumbnail) sacaro umum indak dianjurkan: tanpa manantukan suatu ukuran, gambar ka ditampilkan sasuai piliahan preferensi pambaco, jo nilai baku 180px (nan Biasonyo digunokan sabagian gadang pambaco). Namun, kadang diparaluan untuak manantukan ukuran spesifik gambar untuak meningkatkan kajalehan dan/atau tata latak suatu artikel. Kasus-kasus nan dianggap layak ditantukan leba gambarnyo tamasuak:

• pado gambar jo rasio aspek ekstrim
• pado peta, diagram, atau grafik nan detil
• pado kondisi nan mambutuahan detil bagian ketek dari gambar, tapi gambar tasabuik ka kahilangan koherensinyo kok dipotong hanyo pado bagian tasabuik

Arok diingek baso babarapo pangguno mungkin mangatua sistem inyo untuak manampakan teks gadang. Mamaso gambar ketek nan gadang ka manyisokan sedikit ruangan untuak teks, nan ka manyulikan mambaco.

Markah untuak manampakan gambar adolah sabagai barikuik:

[[Berkas:Contoh.jpg|jmpl|ka|Teks gambar]]

Teks keterangan gambar

Foto dan gambar lain harus mamiliki teks keterangan gambar kacuali kok alah manganduang keterangan surang, sarupo pado sampul album atau buku, atau kok grafik tasabuik marupokan panggambaran tanpa ambigu pado subjek artikel. Sabagai contoh, dalam suatu artikel biografi, teks gambar indak diparaluan untuak potret subjek nan diabadikan surang; namun, sabagian gadang entri dapek manggunokan namo subjek, taun kalahiran atau kamatiannya, atau tangga pakiroan gambar tasabuik diambiak. “John Smith (1812–95) circa 1880” atau “John Smith (1812–95) pado 12 Januari 1880 di Paris”.

Kalimaik langkok dalam teks keterangan gambar harus diakhiri jo tando titiak, atau tando baco lain nan tapek. Kok teks tasabuik indaklah suatu kalimaik langkok, umumnyo indak harus diakhia dek tando titiak.

Teks keterangan gambar indak buliah dicetak miriang, kacuali untuak judul buku atau sajinih, dan mangikuik aturan kapitalisasi nan samo. ingek baso informasi langkok takaik suatu gambar dapek dicaliak pado laman deskripsi berkas, sainggo urang nan ingin mancaliak informasi tasabuik dapek manakan foto untuak mancaliak detil langkoknyo.

Pautan

Pautan internal

Hanyo untuak pautan nan relevan jo konteks. Pautan musti bamanfaaik bagi pambaco, dan indak buliah mambuek artikel sulik dibaco. Pautan nan talampau banyak ka mangaliahkan paratian dari pautan nan banilai pantiang nan Sanak tuju untuak diikuti pambaco. Pautan baulang-ulang ka mangotori laman dan mampasulik pamaliharoannyo beko. Suatu pautan satingkek jo catatan kaki pado medium cetak. Bayangkan kok satiok kato dalam artikel ensiklopedia diikuti jo “(caliak:)”. karanonyo, pautan harus indak buliah talampau banyak sainggo mambuek artikel sulik dibaco.

Cek pautan sasudah diwikifisasi untuak mayakinkan baso inyo tapauik pado konsep nan tapek; banyak kato-kato kamus nan mangarah pado laman disambiguasi dan indak ka maagiah konsep nan diparaluan dek artikel. Kok tasadio suatu jangkar (anchor) pado laman tujuan (label sasudah tando kres ( # ) dalam suatu URL), dan kamungkinan gadang stabil sarato dapek mambaok pambaco lansuang ka bagian nan relevan jo labiah capek, mako pagunokanlah jangkar tasabuik.

Wakatu pautan wiki ditampilkan sabagai URL dek parangkek lunak MediaWiki, karakter partamonyo dikapitalisasi jo spasi diganti jo garih bawah. Wakatu manyaratokan pautan ko pado suatu artikel, indak paralu manggunokan kapitalisasi atau garih bawah tasabuik, karano parangkek lunak mambueknya sacaro otomatis. Dalam banyak kasus, fitur ko mamungkinkan untuak menghindari pautan pipa. Pautan wiki nan mangawali kalimaik atau barupo kato benda khusus harus dikapitalisasi sarupo biaso.

Kabanyakan panggunoan pautan pipa juo dapek dihindari wakatu manambahan akhiran nan indak bagian dari judul artikel jo malatakkan akhiran tasabuik di lua kuruang siku pado suatu pautan wiki. Akhiran tasabuik tatok tanampak sabagai bagian dari pautan, tapi indak ka dimasuakan dalam target pautan wakatu ditakan. contohnyo, markah [[sayur]]an ka tampil di teks artikel dalam bantuak sayuran tapi pautannyo surang manuju artikel nan banamo Sayua. Hal ko indak balaku untuak awalan atau prefiks.

Pautan lua

Pautan ka situs web di lua Wikipedia dapek dicantumkan di akhia suatu artikel atau dimasuakan dalam badan artikel.

Daftar pautan

Format standar daftar pautan adolah jo manggunokan judul bagian == pautan lua == diikuti jo daftar biaso pautan. Pautan lua sarancaknyo manyimpulkan isi situs dan mangindikasikan relevansi situs tasabuik jo artikel. Sabagai contoh:

* {{en}} [http://www.aidsnews.org/ Barito pangobatan AIDS]

Wakatu diwikifisasi, ka muncua:

• (Inggirih) Barito pangobatan AIDS

Di bagian muko pautan, sarancaknyo juo dilatakkan indikasi bahaso nan digunokan pado situs tasabuik, dinyatokan jo bantuak duo kuruang kurawa mangapik kode bahaso. Dalam contoh di ateh, situs tasabuik manggunokan bahaso Inggris (kode: en). caliak Kategori:Templat simbol bahaso.

Salalu ingek baso pautan lua sarancaknyo hanyo digunokan di bagian == pautan lua ==, indak di tangah artikel.

Pautan dalam badan artikel

Pautan lua juo dapek dicantumkan lansuang pado badan artikel untuak maagiah referensi spesifik. Pautan ko diistilahkan "pautan takaik" (embedded link), dan indak mamiliki deskripsi salain nomor otomatis. Contoh:

Contoh teks artikel [http://id.wikipedia.org].

Wakatu diwikifisasi, nan muncua:

Contoh teks artikel [1].

Pautan lua dalam badan artikel ko harus disaratoi jo kutipan langkok dalam bagian Rujuakan artikel.

Catatan kaki

Bagian Rujuakan atau Catatan dapek manganduang kode nan ka manyalin pautan takaik Sanak (jo pautan lua, deskripsi dan/atau kutipan), ka bagian Rujuakan atau Catatan dan mambuek pautan nan di siko. Jan manggunokan ko hanyo untuak pautan takaik; hanyo gunokan kok Sanak manambahan kutipan atau deskripsi dari pautan tasabuik.

Barikuik ko adolah contohnyo:

<ref name="test1">[http://www.qqwxyz.com namo pautan lua.] Keterangan palangkok.</ref>

Kode tasabuik ka menghasilkan: .

Bagian Rujuakan dapek diisi kode sarupo ko:

<div class="references-small">{{reflist}}</div>

Kode tasabuik ka mangasiakan salinan pautan takaik nan Sanak buek di ateh:

Sanak juo dapek manggunokan templat {{reflist}} nan ka mangasiakan hal nan samo jo di ateh. Untuak tata latak duo kolom, gunokan {{reflist|2}}.

Catatan tambahan

Gunokan markah sederhana

Gunokan markah paliang sasederhana mungkin untuak manampakan informasi jo caro nan paliang bamanfaaik dan dapek ditarimo. Markah mungkin ditampilkan babeda pado panjalajah nan babeda. Gunokan markah HTML dan CSS jo hati-hati dan hanyo gunokan untuak alasan nan elok. Maminimasi markah dalam teks sumber ka mamudahkan panyuntiangan.

Utamonyo, jan manggunokan atribut CSS float atau line-height karano pado babarapo panjalajah, inyo ditampilkan jo buruak kok manggunokan huruf baukuran gadang.

Tabulasi sederhana

Baris nan diawali jo spasi ka diagiah kotak dan ditampilkan jo huruf leba tatok (fixed-width) dan dapek digunokan untuak tabulasi sederhana.

satu    duo     tigo
alfa    beta   gamma

Untuak padoman langkok manggunokan tabel, caliak Bantuan:Tabel.

Akronim jo singkatan

Jan manganggap baso pambaco tabiaso jo akronim dan singkatan nan Sanak gunokan. Gaya panulisan standar adolah untuak manyabuikan kapanjangan akronim atau singkatan wakatu partamo kali digunokan (diagiahkan pautan wiki kok dibutuahkan) dan diikuti jo akronim atau singkatan sasudahnyo, dalam tando kuruang. Hal ko ka maagiah tahu pangguno baso inyo kamungkinan ka manamukannyo di dalam artikel. Sabagai contoh:

Partai Demokrasi Indonesia Perjuangan (PDI-P) memperoleh peringkat pertama untuk suara DPR dengan memperoleh 151 kursi pada Pemilu 1999. Walaupun demikian, PDI-P gagal membawa Megawati ke kursi kepresidenan.

Kok istilah tasabuik alah ado dalam tando kuruang, gunokan atau untuak manunjuakan akronim. Contoh:

Pada Pemilu 1999 (saat Partai Demokrasi Indonesia Perjuangan atau PDI-P memenangi 151 kursi) Megawati gagal menduduki kursi kepresidenan.

Pado artikel nan panjang, ka manolong pambaco untuak manyabuikan baliak kapanjangan suatu akronim atau singkatan atau mawikifisasi baliak kok alah indak dipagunokan salamo babarapo lamo, utamonyo kok pado panggunoan partamo pado suatu bagian gadang.

Parangkek lunak nan digunokan Wikipedia indak mandukuang elemen HTML akronim atau singkatan (<acronym> or <abbr>) sainggo kaduonyo indak buliah dimasuakan dalam sumber teks.

Gaya panulisan kontemporer mangabaikan banyak tando titiak dan spasi nan sacaro tradisional diparaluan. Contohnyo PhD labiah dipiliah dibandiangkan Ph.D. atau Ph. D..

Daftar

Jan manggunokan daftar kok suatu panyatoan labiah mudah dibaco manggunokan paragraf sederhana atau paragraf taindentasi. Kok satiok paragraf dalam suatu bagian dibuek sabagai entri daftar, kamungkinan gadang sabananyo indak ado satupun nan musti babantuak daftar.

Jan manggunokan babagai gaya tata bahaso dalam ciek daftar nan samo – piliahlah salah satu, baiak sadoalahnyo manggunokan kalimaik langkok, atau sadoalahnyo manggunokan fragmen kalimaik. Muloilah tiok baris jo huruf kapital, bahkan kok marupokan fragmen kalimaik.

Kok manggunokan kalimaik langkok, agiah tando titiak pado akhia satiok kalimaik. Sabaliaknyo, jan agiah tando titiak di akhia kok manggunokan fragmen kalimaik.

Gunokan daftar banomor hanyo kok Sanak ka marujuak baliak ka salah satu butir jo manggunokan nomor, atau urutan tiok butir diparaluan (contohnyo kok Sanak manjalehan langkah 1, langkah 2, dll. dari suatu proses multitahap).

Kutipan

Kok mamungkinkan, gunokan gaya nan digunokan pado teks orisinal; jan mangubahnyo untuak mangikuik tando baco Wikipedia. Sabagai pangacualian: kok suatu kutipan mangutip suatu kutipan, gunokan gaya Wikipedia jo memuloi jo kutip gando paliang lua; bagantian ka dalam antaro kutip tungga dan kutip gando. Sabagai contoh, Sanak mungkin mangutip suatu artikel nan mangatokan, “Inyo mambantah panyatoannyo baso ‘Voltaire indak panah bakato “Ambo mambantah apo nan Sanak katokan, tapi ambo ka mampatahankan sampai mati hak Sanak untuak mangatokan hal itu”’”.

Atau manerapkan aturan ko pado suatu blok kutipan (walaupun kalimaik sapendek ko jarang dimasuakan dalam blok kutipan), Sanak dapek mangutip artikel ko jo

Ia membantah pernyataannya bahwa “Voltaire tidak pernah berkata ‘Saya membantah apa yang Anda katakan, tapi saya akan mempertahankan sampai mati hak Anda untuk mengatakan hal itu’”.

Barikuik adolah duo contoh dari Chicago Manual of Style nan menunjukkan caro manangani koma jo huruf kapital pado awa pengutipan di dalam kalimaik:

Ia berkata “memiliki adalah menguasai.”

Ia berkata, “Pergilah sekarang.”

Hindari pambuekan pautan di dalam suatu kutipan, karano malakuan hal ko dapek mangotori kutipan, malawan prinsip untuak mampadiaan kutipan sabagaimano asalinyo, dan dapek manyasekan atau mambinguangkan pambaco.

Format suatu kutipan panjang (labiah dari ampek baris dalam bantuak blok kutipan, nan ka di ka diagiah indentasi dek Wikipedia dari kaduo sisi. untuak maagiah format blok kutipan, jan manggunokan tando indentasi wiki : – Sabaliaknyo, gunokan tag HTML <blockquote>:

...maagiah cukuik saluran pado tantara kito indak sabagai organisasi, tetapi sabagai paurangan-parurangan nan manjadi eksponen daripado organisasi kito, (untuak) turuik sato manantukan, kabijaksanoan nagara kito pado tingkek-tingkek nan tinggi.

nan mangasiakan:

...memberikan cukup saluran pada tentara kita bukan sebagai organisasi, tetapi sebagai perorangan-perorangan yang menjadi eksponen daripada organisasi kita, (untuk) turut serta menentukan, kebijaksanaan negara kita pada tingkat-tingkat yang tinggi.

Kode <blockquote> indak maagiah format multiparagraf jo baiak, tapi hal ko dapek diatasi jo sacaro manual maagiah tag <p> antar paragraf.

Kacuali untuak kutipan nan dikana laweh (misalnyo dari Shakespeare, dll.), dan dari subjek artikel atau bagian tasabuik, salalu agiah namo urang sumber kutipan Sanak nan sabanyak ciek kalimaik panuah atau labiah. Agiah namo dalam teks, jan di catatan kaki, kacuali kok urang tasabuik adolah subjek dari artikel atau alah sangaik jaleh. Untuak kasus kutipan tanamo dari suatu naskah pado artikel takaik naskah tasabuik, pambarian sumber indak diparaluan.

Format

Isu pamformatan sarupo ukuran huruf, ruang kosong, dan rono adolah masalah nan barubuangan jo CSS situs Wikipedia. Dan sapatuiknyo indak diubah dalam artikel kacuali pado kasus-kasus khusus. Kok Sanak memang harus manantukan suatu ukuran huruf, gunokan ukuran relatif, misalnyo font-size: 80%; dan indak ukuran absolut, contohnyo font-size: 8pt. Biasonyo indaklah suatu ide nan rancak untuak mangubah gaya tampilan lain, sarupo kaluaga atau rono huruf.

Umumnyo, panggunoan huruf buetan ka

• Mangurangi konsistensi – teks indak ka nampak saragam jo teks lain;
• Mangurangi kamudahan pamakaian (usability) – kamungkinan gadang sulik untuak urang jo lembar gaya surang (misalnya karano alasan aksesibilitas) untuak mangabaikannya, dan gadang kamungkinan ka batabrakan jo kulik lainnyo dan juo mangganggu urang-urang nan buto rono; sarato
• Mangundang padebatan – ado kamungkinan Wikipediawan lain indak satuju jo piliahan gaya huruf dan muloi mandebaik masalah estetikanyo.

karano alasan-alasan tasabuik, umumnyo indaklah suatu praktik nan baiak untuak manerapkan CSS lansuang tahadok huruf dalam artikel.

Rono

Panggunoan rono surang untuak manyampaikan informasi (pangkodean rono) indak buliah dilakukan. Hal ko indak ka dapek dimanfaatkan dek urang buto rono (utamonyo monokromatis), pado cetakan hitam putiah, pado laya tuo jo saketek rono, pado tampilan monokrom PDA, telpon selular, dll.

Kok paralu manggunokan rono, cubolah gunokan rono nan indak ambigu (sarupo jingga dan ungu) kok dicaliak dek urang jo buto rono sirah-hijau (jinih nan paliang umum). Sacaro umum, jinih rono sirah jo hijau indak buliah digunokan basamoan sabagai kode rono pado gambar nan samo. Mancaliak laman jo manggunokan Vischeck dapek mambantu manantukan apokoh rono musti diubah atau indak.

Memang menarik untuak manggunokan rono sabagai bantuan untuak urang nan dapek mancaliaknyo, tapi informasi musti dapek diakses tanpa rono tasabuik.

Komentar tasuruak

Komentar tasuruak digunokan untuak berkomunikasi jo panyuntiang lain di badan artikel. Komentar-komentar ko hanyo nampak wakatu manyuntiang laman jo tasuruak dari pambaco biaso.

Sacaro normal, kok saurang panyuntiang nio mandiskusikan isu jo calon panyuntiang lainnyo, inyo ka malakukan itu di laman rundiang. Namun, kadang labiah masuak aka untuak mamasuakan komentar dalam tubuah artikel, karano saurang panyuntiang nio maninggakan instruksi untuak mambantu panyuntiang lain wakatu inyo manyuntiang bagian tatantu, atau maninggakan pasan takaik suatu isu spesifik (sabagai contoh, jan mangganti judul bagian karano laman lain mamiliki pautan ka sana).

Untuak malakukan hal ko, apiklah teks nan Sanak tujukan untuak dibaco hanyo dek panyuntiang di dalam <!-- dan -->.

contohnyo:

Hello <!-- ko adolah komentar. --> world.


ka ditampilkan sabagai:

Hello world.

Jadi, komentar hanyo dapek dicaliak wakatu mancaliak kode wiki halaman.

Catatan: Komentar dapek mangasiakan spasi putiah nan indak diarokan kok dilatakkan pado tampek tatantu, sarupo pado bagian ateh halaman. Hindari malatakkan komentar pado tampek nan dapek mangubah hasia tampilan halaman.

Kamudahan dibaco

Patimbangkan kamudahan urang mambaco apa nan Sanak tulihkan. Buek suntiangan Sanak mudah dibaco di layar. Patimbangkan untuak manggunokan parangkek sarupo daftar dan cetak tebal. caliak “How Users Read on the Web” Dek Jakob Nielsen untuak labiah memahami masalah ko.

Caliak juo

• Wikipedia:Panganta adolah pangenalan awa takaik Wikipedia.
• Wikipedia:Manyuntiang sabuah halaman adolah bahan dasa manyuntiang halaman.
• Wikipedia:Kutip sumber tulisan manjalehan proses dan standar untuak mangutip referensi dalam artikel.
• Wikipedia:Kabijakan jo padoman adolah pusek kabijakan dan padoman.
• Wikipedia:Panduan manulih artikel nan labiah elok, barisi panduan gaya jo nada panulisan nan disarankan di Wikipedia.