Локални избори во Македонија во 2013 година — избори што се одржале на 24 март и 7 април 2013 со цел избирање на советници и градоначалници во 80 општини во Република Македонија. Изборите биле распишани на 11 јануари 2013 од страна на собранискиот претседател Трајко Вељаноски. Во избирачкиот список биле запишани вкупно 1.743.403 гласачи.[1] На локалните избори учествувале 16 политички партии, 8 коалиции и 97 независни листи. Вкупно биле поднесени 350 листи за градоначалници и 480 листи за советници.[2] На нив се пријавиле 8.878 кандидати за градоначалници и советници.[3]
СДСМ настојувала заедно со локалните да се одржат и предвремени парламентарни избори, но ова било одбиено од страна на владејачката партија ВМРО ДПМНЕ. На распишувањето на изборите му претходело и собраниски бојкот од страна на СДСМ поради настаните од 24 декември2012 година. Во почетокот на март, во Македонија пристигнала европска делегација за надминување на политичката криза. По неколкучасовни разговори со политичките водачи, еврокомесарот Штефан Филе, известувачот за Македонија во Европскиот парламент, Ричард Ховит и поранешниот претседател на Европскиот парламент Јежи Бузек, водачот на опозицијата Бранко Црвенковски се согласил да учествува на престојните локални избори.[4]
„И овојпат, во овој втор изборен круг победија делата, победи ВМРО-ДПМНЕ и коалицијата За подобра Македонија, победија работата, остварените ветувања, победи остварениот однос кон граѓаните, работата и трудот, победи концептот кој со труд, со остварувања, со работа и со одговорен пристап кон работата, искрен однос кон народот во минатите години неуморно работеше и неуморно создаваше дела. Територијалната поделба во 2004 година за која што ВМРО-ДПМНЕ како политичка партија укажуваше дека не е соодветна, се покажа како кобна на овие избори за Кичево и Струга. Ние како влада остануваме максимално да помагаме и на Струга и на Кичево како неотуѓив дел од нашето ткиво.“
„Овие избори не поминаа во фер и демократска атмосфера и затоа тие се нелегитимни. Работите во нашава земја нема да излезат на арно, за жал не е далеку денот кога ќе треба да се плати огромна цена за овие погрешни политики, а цената ќе ја платиме сите. И за тоа сите што мислат дека на овие избори СДСМ беа поразени, сакам да им кажам дека грдо се лажат, на овие избори изгуби нашиот народ и целата наша земја.“
„Не беше невозможна мисија, туку нерамноправна борба, со многу притисоци и уцени од сите сегменти на власта на ДУИ. Непринципиелно се здружија со македонските партии, со ВМРО, со СДСМ, па и НДП на Руфи Османи.“
Граѓанска асоцијација „Мост“
„Според извештаите и информациите добиени од набљудувачите и од 27 регионални координатори, прелиминарната оценка на Граѓанската асоцијација МОСТ е дека гласањето на 7 април беше спроведено во генерално мирна атмосфера со незначително намален број на нерегуларности, но во околности во кои се покрена прашањето околу квалитетот на Избирачкиот список и довербата во истиот. Најчести нерегуларности за кои известуваа нашите набљудувачи се: семејно гласање, некористење на УВ ламбата и спрејот, фотографирање на гласачките ливчиња, како и непочитување и злоупотреба на процедурата за гласање на лица кои не можат да гласаат сами. Обврска на избирачките одбори е да ги спречат ваквите нерегуларности.“
.svg){kind=small}
.svg){kind=small}
.svg){kind=small}
.png){kind=small}
