Down Beat

Down Beat is en US-amerikaansch Jazz-Magazin mit de weltwiet hööchste Uplaag un de eerste Tietschrift vun dit Musik-Genres. De wurr dat eerste Mal in’ Juli 1934 in Chicago rutgeven un kummt siet April 1979 weer in jeden Maand herut. Vun Anfang an wurr en „Readers Poll“ för den besten Musiker utschreven. Siet 1953 gifft dat ok en „Critics Poll“ för all Instrumente un Sparten. Disse Utteknungen tellen to de wichtigst Priesen in de Jazzwelt.

Publikatschonshistorie

De Titel Down Beat betreckt sück up de eerste, betoont Telltiet vun en Taktes, de vun den Dirigenten oder Bandleader vertikal nah ünnern (down) slahn wurrd. Dat Magazin wurr in’ Juli 1934 in Chicago vun den Versekerungsvertreder Albert J. Lipschultz grünnd, de Chicagoer Musikern neben Versekerungen ok Rentenversekerungen anbeeden dee. De eerste Utgaav hett acht Sieden umfaat un hett 10 Cents köst. De wichtigste Rivale vun Down Beat weer dat Jazzmagazin Metronome. Tonächst keem dat Blatt eenmal in’ Maand herut, af 1939 tweemal in’ Maand jewiels an’ eersten un fievteihnsten Dag. Van Januar 1946 an bit April 1979 geev dat all twee Week en Utgaav.

De inflootriek Vörsitter vun de Musikergewerkschaft James C. Petrillo (kiek recording ban) dwung Lipschultz 1934 dorto, entweder blots Versekerungspolicen an de Musiker to verkoopen oder en Jazz-Tietschrift ruttogeven, aber nich beides to glieker Tiet. Lipschultz hett doruphen dat Blatt an Carl Cons un an den ehmalgen Saxophonisten Glenn Burrs för 873 $ in’ November 1934 verköfft. De beid Herutgevers Cons un Burrs hemm as Werte un Teelen progressive New-Deal-Ideale vertreeden.

1950 wurr John Maher Heutgever vun dat Magazin. As de 1968 storven weer, kun sien Söhn Jack Maher (1925 - 14. Februar 2003) dat Blatt blots dör den Insatz vun sien gesamt Eegenkapital in Familienbesitt hollen. Dordör bewohr he dat Magazin vör en Övernahm dör den bekennenden Jazzfrüend un Playboy-Herutgever Hugh Hefner. Maher jr. führ gau en nee Publikatschonspolitik in. He präsenteer nu ahn Inschränkungen swart Musiker up dat Down-Beat-Cover un hett sücks ansehn Musikkritiker as Leonard Feather, Nat Hentoff, Dan Morgenstern, Ralph J. Gleason un Ira Gitler anhüert, de wedderum den modernen Jazz tegenöver bannig upslooten weern. Jetzig Herutgever is de langjohrig Down-Beat-Redakteur Frank Alkyer.

Siet 1936 hett de Tietschrift Down Beat Umfragen ünner hör Leser över de beleevtesten Jazzmusiker nah Sparten verapenlicht, de Down Beat Reader Poll´s, as ok later anner Jazz-Tietschriften (as Metronome van 1939 bit 1961 oder dat Swing Journal). Se weern un sünd vun groot Bedüüden för de Jazzszene besünners in den USA. Af 1953 keemen Down Beat Critics Polls dorto, bi de de Utwahl to’n Bispeel Midden vun de 1970er Johren vun rund 50 Kritikern weltwiet drapen wurr un 2010 vun 84. Se hemm in de Kategorien Etableert Talent (Established Talent) un New Star (af 1963 Talent deserving wider recognition).

Down Beat Lifetime Achievement Award

• 1981 John Hammond
• 1982 George Wein
• 1983 Leonard Feather
• 1984 Billy Taylor
• 1985 Lawrence Berk
• 1986 Orrin Keepnews
• 1987 David Baker
• 1988 John Conyers Jr.
• 1989 Norman Granz
• 1990 Rudy Van Gelder
• 1991 Bill Cosby
• 1992 Rich Matteson
• 1993 Gunther Schuller
• 1994 Marian McPartland
• 1995 Willis Conover
• 1996 Chuck Suber (Charles Suber, weer van 1953 bit 1982 bi Down Beat, wo he Kolumnist weer, buterdem lehr he an dat Columbia College Chicago)
• 1997 William P. Gottlieb
• 1998 Bruce Lundvall
• 1999 Sheldon Meyer (1926–2006, Lektor bi Oxford University Press för den Beriek Geschichte, dor keemen tallriek Jazzböker herut)
• 2000 George Avakian
• 2001 Milt Gabler
• 2002
• 2003
• 2004
• 2005 Jim Warrick (Jazzpädagoog, New Trier High School)
• 2006 Claude Nobs
• 2007 Dan Morgenstern
• 2008
• 2009
• 2010 Manfred Eicher

Literatur

• Frank Alkyer (Hrsg.): Down Beat. 60 years of jazz. Hal Leonard Publishing, Milwaukee 1995, 270 S., Ill., ISBN 0-7935-3491-7 (mehr as 100 klassisch Artikel un Fotografien ut dat Magazin)
• Paul Douglas Lopes: The rise of a jazz art world. Cambridge University Press, Cambridge 2002, 294 S., ISBN 0-521-00039-4 (passim erwähnt)
• Frank Alkyer, Ed Enright, Jason Koransky (Hrsg.): The Miles Davis Reader. Interviews and Features from Downbeat Magazine. Downbeat Hall of Fame Series, Hal Leonard Books, New York 2008, 356 S., bunnen, ISBN 978-1-4234-3076-6
• Frank Alkyer, Ed Enright, Jason Koransky (Hrsg.): DownBeat - the great jazz interviews. A 75th anniversary anthology. Hal Leonard Books, New York 2009, 352 S., ISBN 978-1-4234-6384-9

Kiek ok auch

• List vun de Down-Beat-Poll-Sieger vun de 1930er Johren
• List vun de Down-Beat-Poll-Sieger vun de 1940er Johren
• List vun de Down-Beat-Poll-Sieger vun de 1950er Johren
• List vun de Down-Beat-Poll-Sieger vun de 1960er Johren
• List vun de Down-Beat-Poll-Sieger vun de 1970er Johren
• List vun de Down-Beat-Poll-Sieger vun de 1980er Johren
• List vun de Down-Beat-Poll-Sieger vun de 1990er Johren
• List vun de Down-Beat-Poll-Sieger vun de 2000er Johren
• List vun de Down-Beat-Poll-Sieger vun de 2010er Johren
• Down Beat Jazz Hall of Fame

Weblenken

• Offiziell Siet vun Downbeat (engelsch)
• About Down Beat – Sülvstdorstellen in elf Kapiteln
• Kritik an Down Beats US-zentrierten „Jazz-Umfragen“, KulturSpiegel, 2. Januar 2009