Monotheismus
Monotheismus (gr. μόνος mónos „alleen“ un θεός theós „Gott“) betekent Religionen oder Lehren vun de Philosophie, de (bloß) man een Gott kennen un gellen laten doot. Düsse Gott deit denn allens umfaten un unner em oder blangen em gifft dat keen annere Gödder. In de Religionswetenschop warrt he unnerscheden vun den Polytheismus, de allerhand verscheden Gödder kennen un verehren deit. Bi Religionen, de twaars en ganze Reeg vun Gödder kennt, man sülms bloß een vun jem verehren doot, warrt vun Monolatrie snackt. De Begreep „Monotheismus“ is toeerst in dat 17. Johrhunnert bi den engelschen Theologen un Philosophen Henry More bruukt wurrn. De Monotheismus is en Form vun den Theismus.
Monotheistische Religionen
[ännern | Bornkood ännern]Hüdigendags gifft dat de monotheistischen Religionen Jodendom, Christendom, Islam, Jesidendom, Sikhismus, Bahaidom un Zoroastrismus.