Observatoire de Nice
Dat Observatoire de Nice is en astronomisch Steernwacht in Nizza, Frankriek, up den 372 m hooch Tipp vun den Mont Gros.
De Bau vun de Steernwacht wurr 1879 dör den Bankier Raphaël Bischoffsheim up den Weg brocht. Se is de öldste Bargsteernwacht vun Europa un weer 1879 de eerste, de düersam bedreven wurr. De Architekt weer Charles Garnier un Gustave Eiffel hett de Hööftkuppel konstrueert. De swoor Kuppel ut Metall weer mit hör 26 Meter Dörmeter de gröttste in Europa. De Baukösten hett en Pariser Bankier dör en groottüügig Geldspenn finanzeert.
Dat Feernrohr mit 76 cm Öffnungswiet gung 1888 in Bedriev. Dat weer to de Tiet dat gröttste Teleskop vun de Welt. Dat wurr aber in dat dorupfolgen Johr dör dat Feernrohr mit 91 cm Öffnungswiet an dat Lick-Observatorium överdrapen.
As wetenschaplich Inrichten existeert dat Observatoire de Nice hüüd nich mehr in disse Form. 1988 wurr dat mit dat Observatoire du CERGA to dat Observatoire de la Côte d’Azur tosommenführt.
Dat Observatoire de Nice hett den IAU code 020.
Weblenken
[ännern | Bornkood ännern]
Observatoire de Nice. Mehr Biller, Videos oder Audiodateien to’t Thema gifft dat bi Wikimedia Commons.
- Offizielle Webpräsenz (engelsch)