Endrar Jernsporv

{{taksoboksLua|taksonomi_WD=ja
}}
'''Jernsporv''' eller '''jarnsporv''' (''Prunella modularis'') er ein liten [[sporvefugl]] som held til i [[temperert]]e delar av [[Europa]] og [[Asia]] aust til [[Ural]] og [[Iran]], og som ein [[introdusert art]] på [[New Zealand]]. I [[Noreg]] er han ein [[trekkfugl]] som kjem i april/mai. 

Den stillfarande jernsporven kjem hit i mars/april og byggjer reiret sitt i små einar eller i grantre. Jernsporvreiret er bygt av grøn mose med tilsetting av skjegglav, strå, kvist og fora med raude sporehusstilkar frå mose.

Tidleg i mai stiller hannfuglen seg opp i toppen av eit grantre eller liknande og framfører sin spinkle, melodiøse [[Fuglevokalisering|song]]. Fuglen er sky og vanskeleg å kome nær.

[[Egg]]a (5-6) er blågrøne. Rugetida er som for andre småfuglar, 12-14 dagar. Det er hoa som rugar. Ungane vert i reiret i 10-14 døgn, og vert fora av begge foreldra. Foreldra held fram med foringa dei to første vekene etter at ungane har forlate reiret. Ungane vert fora med [[insekt]], som også er hovudføde til dei vaksne fuglane om våren og sommaren. Elles et fuglane noko frø, og om hausten litt bær. Mesteparten av næringa vert funne på marka.
Fuglen kan ha to kull.

Jernsporvane flyg ut av landet i september-oktober. Vinterkvartera ligg i det sørvestlege Europa. Det hender at jernsporvar overvintrar langs kysten frå [[Østfold]] til [[Møre]]. Dei finst sjeldan lengre nord. Denne tida er dei aldri å sjå flokkvis, berre aleine eller i par.

==Galleri==
<gallery>
Dunnock eggs.jpg|Reir med jernsporvegg
Cuculus canorus canorus MHNT.ZOO.2010.11.149.30.jpg|Egg av gauk (''Cuculus canorus canorus'') og jernsporv.
Zingende en poetsende heggenmus-4961739.webm|Film 

</gallery>
== Kjelder ==
{{refstart}}
* Norsk Fugleatlas, 1994.
{{Refslutt}}

==Bakgrunnsstoff==
{{commonskat}}

{{autoritetsdata}}
[[Kategori:Jernsporvfamilien]]
[[Kategori:Fuglar i Noreg]]