Blackfoot Confederacy
Blackfoot Confederacy | |||
![]() | |||
Medlemmer |
---|
Blackfoot Confederacy, Niitsitapi, eller Siksikaitsitapi[1] (ᖹᐟᒧᐧᒣᑯ, som tyder 'folket' eller 'blackfoot-talande verkelege folk'[a]), er ei historisk samlenemning for nokre språkleg nærskylde nordamerikanske folkegrupper: Siksika (Blackfoot, 'Svartfot'), Kainai eller Blood ('Mange hovdingar') og to grupper av peigan eller piikani ('Flekkete kjortel'), nord-piikani (Aapátohsipikáni) og sør-piikani (Amskapi Piikani eller Pikuni).[2] Vidare definisjonar omfattar også grupper som tsúùtínà (Sarcee) og A'aninin (Gros Ventre), som tala andre språk, men allierte seg med eller blei med i Blackfoot Confederacy.
Historisk var folk som tilhøyrde Blackfoot Confederacy nomadiske bisonjegerar og aurefiskarar som levde i store område i dei nordlege delane av Great Plains vest i Nord-Amerika, særleg den halvtørre kortgraspæiren. Dei følgde bisonflokkane som vandra mellom det som no utgjer statane USA og Canada, så langt nord som til Bowelva. Frå fyrste halvdelen av 1700-talet skaffa dei seg hestar og skytevåpen frå kvite handelsmenn og mellommenn frå cree- og assiniboinefolka. Blackfootfolk nytta desse til å utvida territoriet sitt på kostnad av nabostammer.
I dag heldt tre sjølvstyrande blackfoot-grupper frå First Nation til i Alberta i Canada (siksika-, kainai- og piikaninasjonen), medan Blackfeet Nation er ein føderalt anerkjend Native American tribe i Montana i USA. Gros Ventre er medlemmer av Fort Belknap Indian Community of the Fort Belknap Reservation of Montana i USA, medan Tsuutʼina Nation er ei First Nation-gruppe i Alberta i Canada.
Galleri
[endre | endre wikiteksten]-
Kainai (Blood)-kvinner med travois.
-
Skildring av bison som blir drivne over ei klippe, eit buffalo jump.
-
Blackfoot-krigarar ved Fort MacLeod i 1907
-
Buffalo Bull's Back Fat, Head Chief, of the Blood Tribe av George Catlin.
Merknadar
[endre | endre wikiteksten]- ↑ Compare to Ojibwe: Anishinaabeg and Quinnipiac: Eansketambawg
Kjelder
[endre | endre wikiteksten]- ↑ Dempsey, Hugh A. «Blackfoot Confederacy». The Canadian Encyclopedia (på engelsk). Henta 22 July 2017.
- ↑ McNeel, Jack (6 April 2017). «10 Things You Should Know about the Blackfeet Nation». Indian Country Media Network. Arkivert frå originalen 5 February 2018. Henta 22 July 2017.
- Denne artikkelen bygger på «Blackfoot Confederacy» frå Wikipedia på engelsk, den 16. april 2023.