Oreadeinka
| Oreadeinka | |
.jpg) Oreadeinka | |
| Utbreiing og status | |
Status i verda:  Utbreiinga av Oreadeinka | |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Seglarfuglar Apodiformes |
| Familie: | Kolibriar Trochilidae |
| Underfamilie: | Lesbiinae |
| Stamme: | Heliantheini |
| Slekt: | Coeligena |
| Art: | Oreadeinka C. orina |
| Vitskapleg namn | |
| Coeligena orina | |
Oreadeinka, Coeligena orina, er ein nyleg anerkjent kolibriart i den biologiske slekta Coeligena. Arten har utbreiing i nordvestre Colombia, avgrensa til høgtliggande grenseområde mellom Antioquia-departementet og Chocó-departementet, samt i fjellsidene av Cerro Montezuma i Risaralda-departementet.
Dette er ein stor kolibriart, ca. 14 cm i kroppslengd og 7 gram i masse. Fjørdrakta er generelt mørk grøn, og undersida lysare metallisk grøn, drakta åt hannfuglen har ein iriserande blå strupeflekk og iriserande panneflekk som kan veksle frå grønblå til gyllengrøn. Hofuglar har noko lysare drakt med kanelgul strupe og ho manglar panneflekken. Begge kjønn har svart, litt kraftig rettpeikande nebb.
Habitatet ligg mellom 2500 og 3500 moh. i páramoøkosystem, dvergskog og dels i høgvaksen fuktig skog. Som andre kolibriar et dei nektar, men ein har funne at dei òg tar insekt og kongroer.
Storleiken på populasjonen er estimert til mellom 70 og 400 individ totalt innanfor dei to kjente leveområda, og han er minkande. Arten er kategorisert som kritisk truga av BirdLife International.
Kjelder
[endre | endre wikiteksten]- del Hoyo, J., Collar, N., Kirwan, G.M., Boesman, P. & Sharpe, C.J. (2015). Dusky Starfrontlet (Coeligena orina) In: del Hoyo, J., Elliott, A., Sargatal, J., Christie, D.A. & de Juana, E. (eds.) (2014). Handbook of the Birds of the World Alive. Lynx Edicions, Barcelona. Henta den 31. mai 2015
- BirdLife International (2023) Species factsheet: Coeligena orina. Henta frå http://www.birdlife.org den 8. august 2023
Bakgrunnsstoff
[endre | endre wikiteksten]
Wikimedia Commons har multimedia som gjeld: Oreadeinka
- Bilete av Coeligena orina, hannfugl, på flickr.com av brukar Juan D Ramirez Rpo, henta 31. mai 2015
- Krabbe, Niels; Flórez, Pablo; Suárez, Gustavo; Castano, José; Arango, Juan David; Pulgarin, Paulo C; Múnera, Wilmar A; Stiles, F. Gary; & Salaman, Paul (2005) Rediscovery of the Dusky Starfrontlet Coeligena orina, with a description of the adult plumages and reassessment of its taxonomic status. Ornitologıá Colombiana 3: 28-35 [Engelsk, med samandrag på spansk].