Estado (politica)
| Supkategoria di | community, persona hurídiko, political territorial entity, subject of international law, former or current state  |
|---|---|
| Parti di | nation state |
| Nòmber duná di | orb |
| Propietario di | public treasury, state property |
Un estado ta un organisacion politico herarkico cu ta eherce autoridad riba un pais. Autoridad estatal ta wordo legitima pa un forma di derecho, di cua su cumplimento ta wordo retene pa medio di e monopolio di forsa, esta e derecho exclusivo di gobierno pa uza forsa.
Den ciencia politico, e concepto moderno di soberania ta wordo agrega na e definicion aki, pero den historia y antropologia esaki no ta ser considera un caracteristica esencial, di manera cu por papia tambe di estadonan prome ku tempo moderno.[1]
Componente
[editá | editá fuente]E estado moderno ta compone pa un serie di elemento specífico cu ta dun’e su caracteristicanan principal. E elementonan aki ta (segun derecho internacional):
- Poblacion. E poblacion ta consisti di e ciudadania di e estado.
- Teritorio. E teritorio ta determina e zona geografico den cua e estado por eherce su podernan, pues tin cu percura pa demarcacion di su teritorio, riba tera, riba lama y den laira.
- Organisacion politico y huridico. E organisacion aki tin como meta pa garantisa e conservacion y continuidad di e nacion denter di su teritorio. E organisacion ta expone tres característica: personalidad moral, soberania y ehercicio di podernan.
.png)
Mapa politico di mundo
[editá | editá fuente]Un sinonimo comun di estado ta pais, pero e palabra ey tin mas nificacion manera: pida tereno agricultural, bienes rais personal, contrali di laman. Ta sosode cu un estado (forsa of boluntariamente) ta transferi parti di su poder pa un otro estado, of cu estadonan ta transferi, pa medio di un relacion federal of confederal, un parti di nan autoridad pa un estado general. Den e ultimo caso nan ta bira estadonan constituyente di e organisacion cumbre.
Fuente, nota i/òf referensia
|