KLM West-Indisch Bedrijf
.jpg)
E West-Indisch Bedrijf (WIB) tabata un divishon di e linea aereo hulandes, KLM, ku for di 1934 te 1964 a opera buelonan komersial den Antias Hulandes, Sürnam i paisnan bisiña.
Historia
[editá | editá fuente]Su inisio a wòrdu hasi posibel pa medio di e kompromiso di Servisio Postal di Hulanda (PTT) ku a ofres'é un kontrat lukrativo pa transporta post pa e teritorionan kolonial hulandes. E promé buelo di post for di Hulanda pa Kòrsou ku e avion Snip riba 22 di desèmber 1934 a marka e punto di kuminsamentu di e empresa aki.[1][2]
Na Kòrsou Snip, un avion tipo Fokker F.XVIII, ta bira e promé avion di e flota di WIB. Su registrashon ta wòrdu kambia pa PJ-AIS. Un di dos Fokker F.XVIII, PH-AIO Oehoe, ta wòrdu transportá ku barku pa Kòrsou unda e ta haya e registrashon PJ-AIO. Despues di un aksidente e avion Oehoe mester a regresa Amsterdam pa mantenshon i na su regreso a haya e nòmber Oriol. Dia 9 di mei 1935 Oriol tabata e promé avion komersial ku a baha na Boneiru.[3] Desde 1992 e kabina di piloto ku e motor di Snip ta wòrdu ekshibí den Museo di Kòrsou.
Na promé instante WIB tabata bula prinsipalmente for di Willemstad pa Aruba (e promé buelo 19 di yanüari 1935)[4] i Venezuela i Jamaica den kooperashon ku Koninklijke Nederlandse Stoomvaart Maatschappij (KNSM). Ta te despues di Guera Mundial II ku a tuma lugá un buelo regular Amsterdam-Kòrsou. Guera Mundial II mes tabata di gran importansia pa WIB, ku a bira un transportadó importante pa e refinerianan di petroleo na Aruba, Lago i Eagle, i tabata un di e aerolíneanan di mas mihó funshonamentu den e tempu ey.
Na 1964 West-Indisch Bedrijf a bira Antilliaanse Luchtvaart Maatschappij (ALM), di kua pais Antias Hulandes a bira akshonista mayoritario (96%)[5] i ko-propietario.[6]
Fleta
[editá | editá fuente]KLM West-Indisch Bedrijf tabata operá ku e siguiente avionnan:[7]
| Tipo di avion | Total | Introdusí | Retirá | Remarke |
|---|---|---|---|---|
| Convair CV-340 | 9 | 1953 | 1964 | |
| Douglas C-47 Skytrain | 10 | 1946 | 1960 | |
| Douglas C-54 Skymaster | 8 | 1946 | 1954 | |
| Douglas DC-5 | 2 | 1950 | 1951 | |
| Douglas DC-6 | 7 | 1957 | 1963 | |
| Fokker F.VIII | 2 | 1937 | 1939 | |
| Fokker F.XVIII | 2 | 1935 | 1938 | PJ-AIS Snip PJ-AIO Oriol |
| Lockheed Model 12 Electra Junior | 1 | 1944 | 1945 | |
| Lockheed Model 14 Super Electra | 4 | 1938 | 1948 | PJ-AIK Kolibrie PJ-AIM Meeuw PJ-AIP Parkiet PJ-AIT Troepial |
| Lockheed Model 18 Lodestar | 2 | 1943 | 1948 |
Literatura
[editá | editá fuente]- Leonard F. Bouman, KLM's Caribbean Decade : The Story of the Operations of Royal Dutch Airlines in the West Indies since December 1934, 1944
Link eksterno
[editá | editá fuente]Fuente, nota i/òf referensia
|