Karib (pueblo)
| Supkategoria di | Nativonan di Amérika  |
|---|---|
| Faseta di | colonisacion Spaño di America |
| Pais | Dominica, Sint Vincent & the Grenadines |
| Indigenous to | Antias Menor, Karibe |
| Idioma usá | Ingles, Dominican Creole French, Kalinago |
E Karib of Carib, tambe Isla Karib of Kalinago, ta e poblashon indígena ku originalmente tabata habita e islanan di Antia Menor den Laman Karibe. Henter e region di Laman Karibe tambe a haña nan nòmber; sinembargo, nan tabata yama nan mes Kalinago (maskulino) i Kallipuna (muhé). Nan tabata papia Kalhíphona, un lenga Arawak, ounke e hòmbernan tabata papia sea un idioma karibense òf pidgin. Den parti sùit di region Karibe nan tabata biba huntu ku e "Galibi", kendenan sinembargo tabata habita pueblonan separá. Galibi ta, segun ta kere, e indjan Karib prosedente di e kontinente. Den pasado, e poblashon Karib tabata habitá gran parti di Antia oriental; na 2020-2022 ainda tin Karib ku a sobra riba e islanan di Dominica, Sint Vincent, Trinidad i Tobago i mas aleu tin Karib di mesun origen ku ta biba na Venezuela, Guyana, Sürnam, Guyana Franses i Brasil.
Historia
[editá | editá fuente]E indjan Karib a muda pa e islanan karibense, probablemente for di e selvanan di yobida di Orinoco na Venezuela. E siglo promé ku e yegada di Cristóbal Colón, nan a establesé nan mes na e islanan di Antia Menor, kaminda e poblashon Igneri tabata biba.
E Karib di Antia Menor tabata un di e promé pueblonan merikano ku e oropeonan a topa. Den krónikanan spañó nan ta wòrdu kontrastá generalmente ku e Taíno, presentá komo un pueblo pasífiko ku kultura altu, miéntras ku e Karib tabata wòrdu mira komo un pueblo guerero i salbahe ku tabata praktiká kanibalismo.