AFC Ajax
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
|
L'AFC Ajax, valadì Amsterdamsche Football Club Ajax (an olandèis Associassion ëd fótbal Ajax d'Amsterdam), a l'é na società d'Amsterdam, an Olanda, che a gieuga ant la Eredivisie, la Serie A olandèisa. A l'é la squadra pì fòrta 'd sò pais e antra le pì amportante dl'Euròpa e dël mond dzoratut mersì a soe quatr vitòrie ant la Copa dij Campion (dont tre vire 'd fila dal 1971 al 1973), e mersì a le doe vitòrie dla Copa Antercontinental. Fondà ai 18 ëd mars dël 1900 a pija sò nòm da la mitologìa greca-roman-a: an efet Aiace Telamònio (an grech Αἴας), a l'era 'n guereur valoros che ancheuj a l'é rapresentà ant l'ansëgna dla squadra.  L'Ajax a fa part ëd l'ansidit G-14 (valadì dij 14 club pì fòrt ëd l'Euròpa) e a l'é un dij tre club (ansema al Bayern, al F.C. Barslon-a e a la Juventus) che a l'ha vagnà tute e tre le Cope europenghe (Copa Campion, Copa dle Cope e Copa UEFA). Doe squadre ant ël mond as ciamo coma la squadra ëd Amsterdam: an Sudàfrica a-i é l'Ajax Cape Town e ant jë Stat Unì a-i é l'Ajax America. |
