De Amicis a l'ha aderì ëd fasson ofissial al sossialism dël 1890.
Bele ch'a partissipava nen ëd fasson ativa a la vita ëd partì, a antërvënìa con conferense e debà ant j'ocasion pì amportante dla vita polìtica ëd coj agn.
Dël 1895 a l'ha partissipà a la campagna për j'elession polìtiche dël mèis ëd maj.
A colaborava al Grido del popolo, òrgo ofissial dël partì sossialista a Turin, e a sò suplement coltural Per l'idea, e ëdcò a Critica sociale.
Dël 1898 a l'é stàit candidà sossialista për ël prim colege ëd Turin; elegiù diputà a l'ha arnonsià a l'ufissi.
