Lej
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
 La lej a l'é n'ansem ëd régole che la gent a dovrìa rispeté. Ij tribunaj e la polissìa a rinfòrso sto sistem ëd régole e a punisso la gent ch'a rispeta pa la lej, për esempi fasendje paghé na multa, mandanje an përzon, o, ant ij cas pì grev, la pen-a 'd mòrt. Ant le veje società, le lej a l'ero scrivùe dai cap. Ancheuj, an tante nassion, le lej a son scrivùe e votà da partìe ëd polìtich elegiù. Rispeté le lej ëd na società a l'é fé dle còse legaj. N'atività a l'é ilegal se a rispeta pa le lej. Un còdes legal a l'é un còdes ëd lej scrivùe. N'avocat o giurista a l'é un professionista che a studia e a travaja con le lej. La cultura a l'é, normalment, la prima sorziss dij prinsipi ëd tante lej, da già che la gent a tend a rispeté le ideje basà an sla famija e an sij costum sociaj. An vàire paìs la stòria, la religion e ij lìber religios com la Bibia ël Coran o ij Veda, a son stàit sorziss ëd la lej. |
