Ranfòrs piat
 |
Vos an lenga piemontèisa |
| Për amprende a dovré 'l sistema dle parlà locaj ch'a varda sì. |
|
As ciama ranfòrs piat n'element ëd na strutura metàlica ch'a gropa doe trav. A l'é fàit da na lastra 'd metal përtusà apòsta për anviseje dij bolon o, com as costumava an passà, dle bròche. La lòsa a peul esse spëssa ëdcò chèich centim, conforma a la sòrt dë strutura; pì a son j'element gropà, pì a dev esse larga la lastra dël rinfòrs. Grassie al ranfòrs piat as évito tròpe saldadure, parèj ël grop a resta pì arzistent. Ant le struture ch'a ancamin-o a vnì mòle, as gionto sti ranfòrs për përmëttje torna 'd sostnì ij pèis aplicà. La fonsion pì amportanta dël ranfòrs piat an na strutura a l'é che, con costa sòrt ëd grop, ij pèis e le fòrse comprimente e tirante a son adrëssà con precision vers ij contrapèis e le fòrse echilibrante che ij travet a stabilisso. Ij ranfòrs piat a son ëdcò ij pont pì sforsà ant un tle, dzortut cand ës tle a l'é 'n traliss. Ij ranfòrs piat a son fàit ëd sòlit d'assel galvanisà, ch'as difend mej da la ruso e as deuvra vàire a l'esterior. Marlàit as protegg ancor mej an giontand në strat ëd vernis. A-i son dij ranfòrs fàit con d'àutri materiaj, com l'aram o l'alumini, ma mach ant le struture pì cite o legere ch'a l'han pa damanca d'un supòrt fòrt, ma a veulo fé pì bela figura da na mira estética. As deuvro dij cit ranfòrs piat ëdcò ant ij tle dle motociclëtte, ant la testa stersanta, pr'esempi, o ant ij tle dle viture.
|
