Quart cudesch da Moses

Questa pagina è scritta en puter.

Il quart cudesch da Moses (eir numno Numeri in lingua latina seguond il pled grec Αριθμοί = cifras u alternativmaing Bemidbar in lingua hebraica per motiv dals prüms pleds dal cudesch בַּמִּדְבָּר, que voul dir aint il desert) es ün cudesch biblic e la quarta part da la Tora güdeva respectivamaing dals cudeschs da Moses aint il Vegl Testamaint tar ils cristiauns.

Cuntgnieu

Partieu aint in 36 chapitels tematisescha il cudesch ils seguaints evenimaints:

L'innumbraziun e l'uorden da chamineda dals Israelits
La proclamaziun da ledschas da diversas sorts
La chamineda dal Sinai fin al cunfin dal pajais Canaan
La fermeda in Moab avaunt il passagi sur il Jordan
Las staziuns sülla via d'Egipta fin Moab
Ils fats avaunt l'entreda aint il pajais Israel

Litteratura

Daniel Krochmalnik: Schriftauslegung. Die Bücher Levitikus, Numeri und Deuteronomium im Judentum. (= Interpretaziun da scrittüra. Ils cudeschs Leviticus, Numeri e Deuteronomium i'l giudaissem), Neuer Stuttgarter Kommentar. AT 33/5. Chesa editura Katholisches Bibelwerk, Stuttgart 2003, ISBN 3-460-07335-7.
Horst Seebass: Numeri. Biblischer Kommentar – Altes Testament 4.tom 2: Numeri 10,11 – 22,1. 2003, (374 pag.) ISBN 3-7887-1475-1.
Ludwig Schmidt: Das vierte Buch Mose – Numeri, 10,11 – 36,13. Das Alte Testament deutsch 7/2. Vandenhoeck & Ruprecht, Göttingen 2004, ISBN 3-525-51128-0.