Pasta
 |
| St'artìculu fa parti dâ seria: Cucina |
| Priparativi e attrizzi |
|
Maneri di cucinari - Lista di stigghi pi cucinari |
|
Elimenti e tipi di manciari |
|
Spezzî e Erva |
| Cucina ntirnazziunali |
|
Africa - Asia - Caraibba |
| Viditi puru: |
La pasta è nu pruduttu alimintari, tipicu di la cucina taliana e miditirrania n ginirali.
La pasta si fa travagghiannu a sìemula i furmientu mmiscata cu l'acqua, chiamata pasta ri pura sìemula o di farina di furmientu tènniru cu l'acqua, chiamata pasta cumuni, e travagghiata n tanti maneri p'aviri tanti formi doppu c'asciuca.
Cci sù àutri tipi di pasta, chiamati pasta spiciali e sù fatti cu àutri sustanzi comu ova, spinaci o àutri ciriali. La pasta frisca pò èssiri farcita cu àutri ngridienti: è lu casu p'asempiu dî ravioli câ ricotta.
L’Uriggini di la Pasta sicca – Spaghetti e maccaruni.
[cancia | cancia la surgenti]La tradizioni dici ca ntô 1292 Marcu Polu arricampatusi a Venezia di la Cina, purtò di stu luntanu paisi li spaghetti (pasta sicca). Studi ricenti, ntra cui chiddu di Correnti, pàrranu di n'urìggini diversa, lijata macari â storia dâ Sicilia.
Ntô 1154 (cchiù di cint'anni prima) n àrabbu, Al-Idrisi, giugrafu n serviziu di Ruggeru II, cunta nta nu scrittu ca n Palermu, pricisamenti n Trabia, veni fabbricata tantissima pasta a forma di fili (itrija) ca veni mannata unniegghiè: nta Calabria e nta tanti paisi mussurmani e cristiani, videmma cu li navi.
La viritati è ca la pasta sicca fù fatta pi prima di l'Àrabbi dû disertu, ca nun putìanu purtarisi appressu manciari friscu.
La Sicilia, nna ddi tempi era, comu sapemu, culonia arabba e fu propiu n Trabia ca cci fù la prima pruduzzioni nnustriali di pasta sicca.
La pasta tagghiata a strisciulini e siccata vinìa chiamata "itrija" e lu stissu vucàbbulu (trie) supravvivi ancòi nta assai paisi siciliani e di la Pugghia; doppu la pasta vinni chiamata cchiù n ginirali “maccheroni” ca ni pruveni dâ palora siciliana maccaruni (maccari – scacciari: l’azioni fatta pi travagghiari la simula dû granu duru).
Rifirimenti
[cancia | cancia la surgenti]- S. Correnti, Storia della Sicilia, Newton Compton Editori, 2004.