Sculopi
Li Sculopi sunnu na cungrigazzioni cliricali cattòlica.
L'òrdini cliricali havi statu funnatu di San Giuseppe Calasanzio, nta lu 1597 e nta lu 1622 havi statu arricanusciutu di la Cresia commu Òrdini di li Chìrici Rigulari Pòviri di la Matri di Diu di li Scoli Pii. Lu Calasanziu detti vita a n'attivitati aducativa d'ispirazzioni cristiana, ma nun cunfissiunali. Aperta a l'abbrei, a li quali nun prupunìa la cunvirsioni. La sò scola pupulari e ntigrali era gratùita.
San Giuseppe Calasanzio agghiunci a li tri voti tradizziunali (castitati, puvirtati e obbidienza) nu quartu votu, chiddu di la particulari attinzioni nta l'aducazzioni di li bammini pòviri. Vosi appoi ca st'òpira fussi attuata suprattuttu attraversu lu ministeru sacirdutali. L'òrdini tutt'ora cura e addiriggi lu cchiù anticu culleggiu di scoli pupulari: lu Nazzarenu di Roma, funnatu di lu stissu Calasanziu.
Nta la primavera di lu 1597, lu Calasanziu, mèmmiru di la Cunfratèrnita di li Dòdici Apòstuli, visitau lu quarteri di Trasteviri a Roma e nta la parrocchia di Santa Dorotìa aprìu na scola parrucchiali nica, l'ispirau lu statu di abbannunu e ngnuranza di li bammini. Chidda scola addivinni lu nizziu di li Scoli Pii. Li giùvani chi s'uniru a iddu nta lu cursu di li anni diciseru d'emèttiri voti e di arriunìrisi 'n cumunitati. La Cresia l'appruvau commu Cungrigazzioni nta lu 1617 e commu Òrdini cu nu votu spicìficu nta lu 1622.
"Lu carisma calasanzianu si manifistau prugrissivamenti e vinni appruvatu di la Cresia commu na missioni aducativa cristiana distinata a bammini e giùvani, cunnivisa nta na cumunitati di vita riliggiusa e svota di pirsuni cunzacrati a Diu, di prifirenza sacirdoti". L'òrdini fu sciotu pi disideriu di li Gesuiti, 'n quantu li soi adepti vinìa cunzidirati troppu sèmprici nta lu sò abbigghiamentu, ma doppu circa nu lustru fu arriauturizzatu di papa Piu IX.
Finu a la morti, lu Calasanziu prumussi l'espanzioni di la Cungrigazzioni e nzistetti sempri nta li tri carattirìstichi:
- dari priurità a l'aducazzioni finu di la nfanzia,
- a l'aducazzioni di li pòviri,
- a l'aducazzioni a la pietati cristiana.