جنگ
ويڙهه، جنگ يا وار (War) ٻن ڌُرين، قبيلن، مذهبن، قومن يا رياستن وچ ۾ هڪٻئي خلاف اڳرائيءَ جي سڌي سنئين استعمال جو نالو آهي. ٻن ڌُرين ۾ جنگ تڏهن ٿئي ٿي جڏهن سفارتي ۽ اهنسا وارن طريقن جي ذريعي ڪنهن به گهوٽالي جو حل ٿيڻو نه هُجي. جنگ جا ڪيترا نمونا ۽ شُعبا آهن ۽ هزارين سالن کان وٺي نت نون طريقن سان عمل ۾ آندي پئي وڃي.[1]
- جنگ ۾ ڀلي توهان جي دلچسپي هجي يا نه پر جنگ اوهان ۾ دلچسپي رکي ٿي.
هي جملو بظاهر ته ڏاڍو سادو ۽ خوبصورت آهي پر ان ۾ انتھائي گھري معنى لڪل آهي. جنگ انسان جو اهڙو عمل آهي جيڪو ٻن سببن ڪري ڪندو آهي. هڪ جڏهن انسان جو وجود خطري ۾ هجي، تڏهن انسان پنهنجي بقا جي جنگ وڙهندو آهي. جيڪڏهن هو جنگ نه وڙهندو ته هن صفحه هستيءَ تان مٽجي ويندو، ڇاڪاڻ ته هيءَ دنيا وڙهي جيئڻ جو ميدان آهي. جيڪو پنهنجي اندر ويڙهه جي سگهه رکندو اهو ئي هن دنيا ۾ پنهنجي وجود کي بچائي سگهندو. اها جنگ فطرت سان هجي يا انسان جي انسان سان هجي پر اها جنگ هر حال ۾ انسان کي وڙهڻي پوندي. ٻيو جنگ انسان، ٻئي انسان کي هڪ طبقو، ٻئي طبقي يا هڪ قوم ٻئي کي زيردست ڪرڻ لاءِ يا ان جي ڦرلٽ ڪرڻ لاءِ وڙهندو آهي. [2]
حوالا
سنواريو- ↑ War | Online Sindhi Dictionaries | آن لائين سنڌي ڊڪشنريون[مئل ڳنڍڻو]
- ↑ سياست، تاريخ ۽ ڪردار (عيسى ميمڻ) | سنڌ سلامت ڪتاب گهر, وقت 2017-09-12 تي اصل کان آرڪائيو ٿيل, حاصل ڪيل 2016-12-14