Asnfl n Bi Bi Si

'''Bi Bi Si''' (Niɣ d British Broadcasting Corporation ittgzl s BBC) tga yat tnafut tagdudant tabriṭanit illan ɣ tgmmi n uzuzzr n inɣmissn ɣ [[Lunḍun]], Ingliz. Tlla yad sɣ usggʷas n 1922 s ism n tdrawt Tabṛiṭanṭ n uzuzzr n inɣmissn, tmatti ilmma s ism nns da dars illan ɣikkad ɣ ixf n usggas n 1927. Nttat ad igan tanafut n uzuzzr n imɣmissn da akkʷ imqqurn d dɣ talli akkʷ indin ɣ umaḍal s udm anamur ula amaḍlan s iẓṛi n wuṭṭun n imswuriyn. BBC ar gis iswuruy uggar n 21,000 n itrrasn, ilin ɣ gitsn 17,900 llan ɣ usiktur agdudan.
[[Afaylu:BBC_Logo_2021.svg|vignette|Tiẓṛi n usaru n Bi Bi Si]]
BBC tettrsl s yan ikmrbbi agldan, ar tswuruy ddu yan umyaqqan d tmawast n uwank n tdlsa, tunnunt d umidya. Ar d tettawi twuri nns tiɣrad sɣ dar yat turagt n tiliẓṛi tafafant (fabuṛ) d tasggʷasant da tfrru kra iga tt takat Tabriṭanit niɣ d tadrawt niɣ d tinmalanin da issmrasn imassn nna ufant afad ad asint niɣ ad ssmrsnt tanafut n uzuzzr anɣmsan n tiliẓṛi n BBC d iPlayer.

Aɣtas n waẓẓayn tgli t tnbaḍt tabriṭanit, imcucka d fllas ubṛlaman, ig win ufrru n uṛaḍyu d tilivizyun d tnafut ikunikṭin n BBC da iddaln timizar d tmnaḍin n UK. Sɣ 1 ibrir 2014, ar ifrru ula i BBC World Service (wandi issntin ɣ 1932 s yism n BBC Empire Service) da ittluzzun s 28 n tutlayin, da yakka tanfas ikmmln n tilivizyun, uṛaḍyu s taɛṛabt d tfarsit.

Kra sɣ tɣrad n Bi Bi Si ar d ttackan sɣ talat tansbabt n BBC Studyu (Rad sul ig BBC Worldwide) da izznzan iɣawasn d tnafutin n BBC ɣ umaḍal akkʷ, ar daɣ izluzzu ula BBC  n inɣmissn imaḍlann s tnglizt lli izzrayn 24 n tsragt ɣ wass, d BBC News, ula sɣ BBC.com, lli d ittyawfkan sɣ dar BBC Global News Ltd. Ɣ usggʷas n 2009, tamssurt ad tettyawfka as "Tsmɣurt n Tgllidt n tmssntay " f usnimmr n twuri nns ɣ umaḍal.

Sɣ lliɣ ittyawskar ɣ 1922, BBC thḍṛ yat tilalt istawhmman ɣ tudrt n ibṛiṭaniyn d tdlsa nnsn, kra n tikkal da as aqqran s Bib niɣ d tattas n yan (ɛmtis n yan)

== Iwnnan ==
Sɣ lliɣ tlla, BBC tmnid ur d imikk n tumla f mnnaw imrsitn: imnɣi n Lɛiraq d tsrtit d taytnit d usgd, dɣ unck ann ula d tɣrad nns d mad gis iswuruyn. Tettyawlday d ula s kigan n umsawal f usdal nns n kra n inɣmissn d iɣawasn. 

Ɣ ktubr 2014, "Bi Bi Si Trust" tssufɣ d asati n ismummuyn da ittglamn ismummuyn d tɣriwin, tiḍaf talugant tẓḍaṛ imil ad tzri s Ofcom. 

BBC tmnid daɣ mnnawt tumliwin f uzggal  alibiral d umulli aẓlmaḍ. Tumla f yan uzggal  mgal tamagrt n tnbaḍt Margarita Tatcr nttat nit s ugayyu nns tnna is ur igi usdal n inɣmissn kra d amstggar. Ɣ usggʷas n 2011, Peter Sissons igan yan umsmnid n inɣmissn ɣ BBC sɣ 1989 ar 2009, inna mas d "ɣ wul n BBC, ɣ DNA nns iqquṛn, tlla yat tɣarast n uswingm ifttun gud d umulli aẓlmaḍ". 

Yan umsmnid yaḍnin n BBC, Andruw Marr, ixfawl is d  "BBC tga tar tsga, tuẓẓumt ad tumẓ. Tlla dars yat tanila talibiralt, macc ur daɣ zun d yat trabbut tasrtant. 

== Tisuɣal ==