Bi Bi Si

Bi Bi Si (Niɣ d British Broadcasting Corporation ittgzl s BBC) tga yat tnafut tagdudant tabriṭanit illan ɣ tgmmi n uzuzzr n inɣmissn ɣ Lunḍun, Ingliz. Tlla sɣ usggʷas n 1922 s ism n tdrawt Tabṛiṭanṭ n uzuzzr n inɣmissn, tmatti ilmma s ism nns da dars illan ɣikkad ɣ ixf n usggas n 1927. Nttat ad igan tanafut n uzuzzr n imɣmissn da akkʷ imqqurn d dɣ talli akkʷ indin ɣ umaḍal s udm anamur ula amaḍlan d iɣ nẓṛa uṭṭun n imswuriyn. BBC ar gis iswuruy uggar n 21,000 n itrrasn, ilin ɣ gitsn 17,900 llan ɣ usiktur agdudan.

Tiẓṛi n usaru n Bi Bi Si

BBC tettrsl s yan ikmrbbi agldan, ar tswuruy ddu yan umyaqqan d tmawast n uwank n tdlsa, tunnunt d umidya. Ar d tettawi twuri nns tiɣrad sɣ dar yat turagt n tiliẓṛi tafafant (fabuṛ) d tasggʷasant da tfrru kra iga tt takat Tabriṭanit niɣ d tadrawt niɣ d tinmalanin da issmrasn imassn nna ufant afad ad asint niɣ ad ssmrsnt tanafut n uzuzzr anɣmsan n tiliẓṛi n BBC d iPlayer.

Aɣtas n waẓẓayn tgli t tnbaḍt tabriṭanit, imcucka d fllas ubṛlaman, ig win ufrru n uṛaḍyu d tilivizyun d tnafut ikunikṭin n BBC da iddaln timizar d tmnaḍin n UK. Sɣ 1 ibrir 2014, ar ifrru ula i BBC World Service (wandi issntin ɣ 1932 s yism n BBC Empire Service) da ittluzzun s 28 n tutlayin, da yakka tanfas ikmmln n tilivizyun, uṛaḍyu s taɛṛabt d tfarsit.

Kra sɣ tɣrad n Bi Bi Si ar d ttackan sɣ talat tansbabt n BBC Studyu (Rad sul ig BBC Worldwide) da izznzan iɣawasn d tnafutin n BBC ɣ umaḍal akkʷ, ar daɣ izluzzu ula BBC n inɣmissn imaḍlann s tnglizt lli izzrayn 24 n tsragt ɣ wass, d BBC News, ula sɣ BBC.com, lli d ittyawfkan sɣ dar BBC Global News Ltd. Ɣ usggʷas n 2009, tamssurt ad tettyawfka as "Tsmɣurt n Tgllidt n tmssntay " f usnimmr n twuri nns ɣ umaḍal.

Sɣ lliɣ ittyawskar ɣ 1922, BBC thḍṛ yat tilalt iggutn ɣ tudrt n ibṛiṭaniyn d tdlsa nnsn, kra n tikkal da as aqqran s Bib niɣ d tattas n yan (ɛmtis n yan)

Iwnnan

Zɣ wasmi tella, BBC tmmağğa s igget n tɣtasin f kigan n isental: amnɣi n Lɛiraq, tasrtit, tanflit d ddin, ula assaɣ n tmssutlt d twuri. Tkcm ula s kigan n imrign f ussfsr nns i kra n isalan d wahlitn. Ɣ ktubr 2014, BBC Trust issufɣ-d "Aslmd n tɣtasin n BBC",[239] da issenfal tiɣarasin n tɣtasin d usɣuwwu. Macc, iẓḍaṛ ad yili is ra ttwakks tanbaḍt f BBC, tmmuc i Ofcom. "Tarabbut n taddart n imarayn ɣ tdlsa, allal n tɣamsa d waddal" n Briṭanya tuṣṣa ɣ uɣmis nns "Imal n BBC",[240] mas d Ofcom ad igan amsllay amggaru f tɣtasin nna ittyawskarn i BBC.[241]

BBC tmmağğa s igget n tɣtasin f usrag alibiral d win taẓlmaḍt.[242] Tɣtasin f usrag mgal tanbaḍt n Margaret Thatcher d Tarabbut Tamaɣudt ɣalban ttyawskarn i BBC zɣ dar imgradn n tnbaḍt ann, d Margaret Thatcher s ixf nns tɣal is assfsr n isalan n BBC iga win usrag d ur iṣḥan.[243] Ɣ 2011, Peter Sissons, lli igan yan umssiws n isalan amqqran ɣ BBC zɣ 1989 ar 2009, inna mas "ɣ wul n BBC, ɣ DNA nns, tlla yat tɣarast n uswingm igan s usdid tin taẓlmaḍt".[244] Yan umssiws yaḍnin n BBC, Andrew Marr, inna mas "BBC ur tgi tin tazzulfi niɣ tin tutrart. Tlla gis usrag alibiral, ur igi usrag n kra n tarabbut tasrtant. Iɣuda ad as nini usrag adlsan alibiral." Roger Mosey, igan amnbaḍ aqbur n BBC, igr tt ɣ tdggart n "tamḥamayt talibiralit".[245][246][247] Ɣ 2022, anemɣur n BBC, Richard Sharp, issenflf-d mas "BBC tla usrag alibiral", d irni mas "tamarslt tmnɣ mgal manaya".[248]