Lwis Pastur

Lwis Pastur (s tfransist: Louis Pasteur; ilul nn ɣ 1822, immut nn ɣ 1895) iga yan umassan Afransawi iɣran tacimit ilan bahra atig ɣ umzruy, iskr yat tagrawla ɣ igr n twssna, tiwuriwin nns jjnjmnt gigan d mddn slawan lliɣ d yufa agzi n yiṣiḍ, ɣ wattayn n 1860 iga amazwaru lli d yufan is nẓḍaṛ ad nenqqa irctuyn (germes/جراثيم) s tirɣi, ɣaylli d ifkan tlalit i yaṭ tmhlt lli s ttinin "Tasppasturt" (Pasteurization), yaf daɣ tazdayt da illan ngr irctuyn d tmuḍan, d wahli matta kullu ɣaylli yufa.

Tinqqaṭṭ ɣ tudrt nns

Ɣid kra n iẓmmuẓẓal mqqurnin ɣ tudrt n umassan ad:

1822 : ilul nn Lwis Pastur ɣ Dal (Jura).

1839 : Assnti nns ɣ ukulij agldan n Bzansun.

1842 : Yumẓ lbaclur nns ɣ tusnakt.

1843 : izri s ENS (école normale supérieure).

1845 : Yumẓ alisuns ɣ twssna.

1846 : imurs ad ig aslmad n ufizik ɣ ulisi n Turnun macc iɣama ɣ ENS.

1847: Yumẓ ḍḍukṭuṛa ɣ twssna

1848 : iga aslmad n ufizik ɣ ulisi n Diju fadd s uslmad amssiws ɣ tcimit ɣ tsddawit n Stasburg.

1849: Itahl d lalla "Marie Laurent".

1850: tlalit n illis Jyan (tmmut sul ɣ 1859)

1851: Tlalit n yiwis Jun baptist

1852: kra n isnubbucn imaynutn ɣ tzdayt iẓḍṛn ad ittilin gr talɣiwin ikrisṭaliyn.

1853: tlalit n illis Sisil, ittsma amnay n "Ordre impérial de la légion d'honneur".

1854: iga addwayyan n tsddawit n twssna n Lill

1855: assnti n tiɣriwin f Tsmtunt.

1856: assnti n isnubbucn ɣ Tsmtunt talkuḥulit (fermentation alcoolique)

1857: iga anmhal n ENS n lill nit

1859: Tasmɣurt n "phisiologie experimentale" ɣ tkadimit n twssna f twuriwin nns ɣ igr n tsmtunt

1860: Tasmɣurt n "Jecker"

1862: Tasmɣurt n "Alhumbert", yufa is d imikrubn lli llanin ɣ tɣawsiwin pasturnin kkant d ad iɣʷẓan aḍu.

1863: Naplyun wis kṛaḍ ittr t ad as iɣr f tmuḍan n unẓiẓ.

1865: Tasppasturit.

1866: ifsr kra n twriqin f unẓiẓ.

1877: awal f ibẓḍan

1878: isawl f irctuyn d tazdayt nnsn d tsnijjit , tasuksidt ar tssidrus ɣ thrci n kra n umikrub, isawl daɣ f uzray n imikrubn s idammn d twla n wactal (iḥcmiyyn).

1880: awal f ṭṭaɛun.

1885: Agzi amzwaru mgal iṣiḍ dar ufgan.

1888: Aṛẓẓum n usinag n Pastur.

1895: immut ɣ "Villeneuve" ɣ 28 n cutambir.