Aleksander Styeres

Aleksander Styeres ađai Aleksander III (syeinimáánust 356 oKr. Pella, Makedonia väldikodde – kesimáánust 323 oKr. Babylon)^[1] lâi Makedonia kunâgâs 336–323 oKr. já pegâlmâs antiikääigi suátihovdâ. Nubbe pegâlmâs antiikääigi olmooš, filosof Aristoteles, škovlij Aleksander já máttááttij sunjin ovdâmerkkân politiik já kirjálâšvuođâ.^[2]

Aleksander eeči lâi Filippos II, kii lâi meid Makedonia kunâgâs. Filippos luhostui ovtâstittiđ Makedonia kievrâs kunâgâskodden, mast lâi kievrâs suátiviehâ. Ton maŋa ko Filippos lâi jáámmám, ušom morhedum, Aleksander šoodâi kunâgâssân tuše 20-ihásâžžân, já siämmást sun arbij kunâgâskode já suátivievâ. Aleksander juuđij kuhes suátimaađhijd já väldidij stuorrâ väldikode Kreikkaast Indian. Sun vuoitij Persia kunâgâs Dareios III já vuáđudij maaŋgâid kaavpugijd. Tobdosumos tain lii Aleksandria kaavpug Egyptist.

Aleksander ij kuássin táppám tuáru.^[3] Sust láá muštâlum maaŋgah mainâseh.

Fáádást eres soojijn

Wikimedia Commonsist láá koveh teikkâ eres tiätuvuárháh fáádást Aleksander Styeres.

Käldeeh

↑ Lane Fox, Robin: Alexander the Great. Penguin Books Ltd, 2004. ISBN 9780141020761.
↑ Musti, Domenico: Storia Greca: linee di sviluppo dall'età micenea all'età romana, s. 621. 3. riäntu. Laterza, 2008. ISBN 978-88-420-7514-1.
↑ Alexander the Great courses.lumenlearning.com. Čujottum 29.4.2024. (eŋgâlâskielân)

[1] Lane Fox, Robin: Alexander the Great. Penguin Books Ltd, 2004. ISBN 9780141020761.

[2] Musti, Domenico: Storia Greca: linee di sviluppo dall'età micenea all'età romana, s. 621. 3. riäntu. Laterza, 2008. ISBN 978-88-420-7514-1.

[3] Alexander the Great courses.lumenlearning.com. Čujottum 29.4.2024. (eŋgâlâskielân)

[1]

[2]

[3]