Karl er eit gammalt fellesgermansk mannsnamn som tyder ‘fri mann’. Opphavleg var Karl truleg eit tilnamn.
Karl (mannsnamn)
Kjende personar med namnet Karl
Eit utval personar med namnet Karl, og som er omtalt i Store norske leksikon:
- Karl 1. den store (747–814)
- Karl 5. (tysk-romersk keiser) (1500–1558)
- Karl 12. (1682–1718)
- Karl 2. (1748–1818)
- Karl Johan (1763–1844)
- Karl Marx (1818–1883)
- Karl Friedrich Benz (1844–1929)
- Karl Marthinsen (1896–1945)
- Karl Popper (1902–1994)
- Karl Ove Knausgård (1968)
Namnestatistikk
Utvikling i bruk av namnet
Namnestatistikken for 1800-talet baserer seg på folketeljingar, og då var det oftast registerføraren som bestemte kva for stavevariant som skulle førast inn i teljinga – ikkje namneberaren sjølv. Derfor er variantane Karl og Carl slått saman, og dei er presenterte med ei felles kurve for 1800-talet. Carl og Karl var mykje brukte i siste del av 1800-talet, og i perioden 1875–1899 låg desse namneformene (når dei er slått saman) på 3. plass på ranglista. Dei avvik frå dei fleste andre einstava namna ved at dei var på topp i siste halvdel av 1800-talet, mens hovudtyngda av dei einstava nordiske mannsnamna hadde toppfasen sin innanfor perioden 1920–1979, til dømes Bjørn, Dag, Finn, Geir, Jarl, Kjell, Odd, Rolf/Rolv, Stein/Sten, Svein/Svenn og Ulf. Éin grunn til dette avviket kan vere kongeleg påverknad på namngivinga : Kong Karl Johan var felles svensk-norsk konge 1818–1844.
Utvikling i bruk av namnet Karl frå 1800
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Geografisk variasjon på 1800-talet
Karl var mest brukt i Kristiania.
Geografisk variasjon i bruk av namnet Karl på 1800-talet.
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Karl var mest brukt i Kristiania. (I søylene inngår det også ein eller fleire stavevariantar, til dømes Carl.)
Historisk bruk av namnet Karl
Av
Gulbrand Alhaug / Erik Bolstad/Store norske leksikon.
Lisens:
CC BY SA 4.0
Les meir i Store norske leksikon
Litteratur
- Kruken, Kristoffer og Ola Stemshaug 2013: [Norsk personnamnleksikon]. 3. utgåva ved Kristoffer Kruken. Oslo.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må være logga inn for å kommentere.